زوجة تامر عاشور: احنا منفصلين لكن مش مطلقين
عمر دياب
ذكرت سمر أبو شقة، زوجة الفنان تامر عاشور، كواليس تفاصيل علاقتها بزوجها وحقيقة استمرار زواجهما رغم الانفصال منذ أكثر من عام بحسب ما أعلنته مؤخرا.
كتبت “أبو شقة” عبر حسابها الشخصي على موقع تبادل الصور والفيديوهات “إنستجرام”: ” أنا وتامر هنفضل نحترم بعض لأن في بينا عشرة وفي بينا بنتنا أيام اللي هتفضل رابط بينا طول العمر، واللي أهم ليا أنها أن شاء الله تكبر متلاقيش أي حاجة تضايقها وتلاقي كل هدوء..الموضوع لا ترند ولا شو ولا أي حاجة غير حقيقة وحاجة بتحصل كل يوم بس بيحصل اللي حاصل لما يبقى حد مشهور”.
نرشح لك: خطيبة تامر عاشور السابقة: مكنتش أعرف أنه متزوج
أضافت: “إحنا اه منفصلين ومش مُطلقين ولا اطلقنا، ومرينا بمشاكل زي أي ناس طبيعية، اتفقنا أو اختلفنا بتحصل يعني وبغض النظر عن مين غلط في حق مين وإزاي، ولكن مهما حصل مفيش حد هيقبل أن يحصل تجريح للتاني ف اللي جاي”.
تابعت: ” أنا رديت على أسئلة الاستورى بعفوية وبطريقتي اللي عمرها ما هتتغير وعادي جدا بس للأسف في مواقع حطت عناوين غلط علشان تشد وتزود التفاعل عندها وخلاص وعلى فكرة كلامي كان واضح وبسيط وموجود لحد دلوقتي مشلتوش على بروفايلي هنا، ومقولتش أي حاجة غير الحقيقة اللي حصلت ببساطة وكان ظاهر منها ٨٠ % أو أكتر من غير أي شرح، ومنعا للمهاترات هي مش حرب مع أبو بنتي ولا عمرها هتكون”.
استكملت: “والمفروض أننا نتفق بكل هدوء على الطلاق أنه يتم خلال الفترة الجاية واللي أكيد بعد مايحصل مش هينقص من احترامي ليه أو احترامه ليا وهنفضل أصدقاء تجمعنا أيام اللي هتفضل أهم من أي حد وأي حدث، بس نبقي بنتجنب الضغوطات والمشاكل اللي أيا كان سببها موجود أو أنتهى بلا رجعة”.
اختتمت “أبو شقة”: “أتمنى الموضوع يتقفل ومشوفش أي حاجة تضايقني، واللي بيحبوني دعوة حلوة وشكرا لكل الحب والدعم اللي بشوفه”.
View this post on Instagram