خطيبة تامر عاشور السابقة: مكنتش أعرف أنه متزوج

عمر دياب

ردت دارين حلمي، خطيبة الفنان تامر عاشور السابقة، والحائزة على لقب ملكة جمال مصر، على الانتقادات التي نالتها مؤخرا بسبب ارتباطها بالأخير قبل أن ينفصل عن زوجته.

كتبت “حلمي” عبر حسابها الشخصي على موقع تبادل الصور والفيديوهات “إنستجرام”: “نظرًا لاتهامات وإشاعات اتوجهت لي الفترة اللي فاتت وبدون وجه حق فكان لازم أخرج عن صمتي و أوضح موقفي لإن مش دارين اللي تاخد راجل متجوز أو تكون سبب في خراب بيت حد، وبالتالي مليش ذنب في أي حاجة”.

نرشح لك: زوجة تامر عاشور تروي تفاصيل خلافهما

تابعت: “تامر دخل البيت من بابه و اتقدم لأهلي رسمي على أساس أنه مُطلق و ده اللي أنا كنت فاهماه زي زي جمهوره عادي أن بنت ترتبط براجل مُطلق مش أزمة، وحصلت الخطوبة بشكل رسمي زي ما عرفتوا ومشيت الأمور في مجراها الطبيعي لحد ما بالصدفة اكتشفت أنه لسة زوجته على ذمته وفيه قضايا بينهم و لم يتم الانفصال بشكل رسمي”.

أضافت: “أي بنت في الموقف ده طبعًا لازم تنسحب مهما كان الحب ومهما كانت العواطف لأن مش دارين حلمي اللي تاخد راجل من زوجته مهما كان هو مين ( كدة كدة أنا كنت مستمرة في مسابقات ملكات الجمال و ليا الكاريير الخاص بيا) فكل مرة بقرر الانسحاب كان تامر بيرفض وإن كدة كدة الطلاق قائم سواء أنا في حياته أو لأ وده مش يخصني في شئ”.

استكملت: “وفي الأخر أنا صممت على فسخ الخطوبة بمنتهى الاحترام ما بيني و بينه لأنه مينفعش وكل التوفيق والنصيب بإيد الله ربنا يوفقه في حياته ويوفقني في خطواتي الجاية ان شاء الله”.

اختتمت دارين: “تامر إنسان محترم مشفتش منه غير كل خير واحترام وحب وأنا بحترمه على المستوى الفني والشخصي لكن ده نصيب وربنا يوفقه في حياته واتمني محدش يتكلم في حاجه ميعرفش تفاصيلها، وشكرا لكل الناس اللي بتحبني وعرفاني كويس، أظن أنا جاوبت على كل حاجة ومش هفتح الموضوع ده تاني نهائي أرجو احترام موقفي”.

إنستجرام تامر عاشور دارين حلمي رئيسية ملكة جمال مصر