تامر أمين: لا أثق في الجهاز الطبي للأهلي
دنيا شمعة
طالب الإعلامي تامر أمين، إدارة النادي الأهلي بعمل معسكر مغلق للاعبين حتى موعد مباراة القمة، وذلك حماية لهم من الاختلاط والإصابة بكورونا.
تابع “أمين” خلال حلقة اليوم الخميس من برنامجه “آخر النهار”، المذاع عبر شاشة “النهار”: “فيه فرة حاصلة في لاعيبة الأهلي.. والجهاز الطبي بتاع الأهلي ده مبثقش فيه بصراحة.. فيه مشكلة بيني وبينه، الحاجة اللي بتقعد أسبوع عند باقي الفرق بتقعد عندنا 3 سنين”.
نرشح لك:السفارة الأمريكية بالقاهرة تهنئ صناع “ما وراء الطبيعة” على النجاح
أضاف: “بدأنا بمحمد هاني ومش عارف هيلحق ولا لأ.. وبعدين جالنا النهارده قلمين ورا بعض.. كهربا ومحمد مجدي، بالشكل ده على ما نوصل يوم 27 هيبقى اسمها مشرحة الأهلي مش مستشفى الأهلي”.
أردف: “حافظوا على الشوية اللي باقيين.. أنا أحلامي اتغيرت من أننا نكسب لأننا نفضل عايشين، اللعنة اللي حاصلة دي غريبة جدًا”.
استكمل: “رجائي للأهلي انهم يحاموا على اللعيبة.. بخروهم.. ارقوهم.. خمسوا وكبروا.. اتصرفوا.. اعملوا معسكر مغلق من دلوقت.. لأن الله أعلم اللاعيبة خالطت مين”.