سبب اعتذار داليا البحيري عن فيلم "ماما وزيرة"
دنيا شمعة
كشفت الفنانة داليا البحيري، عن سبب اعتذارها عن المشاركة في فيلم “ماما وزيرة”، الذي كان من المقرر أن تقوم ببطولته.
قالت “البحيري” خلال لقائها مع برنامج “the insider بالعربي”: “أنا اعتذرت لأسباب خاصة بيا جدًا، اشتغلت على الورق كتير، واشتغلت مع صديقي وأخويا المخرج أحمد نور، لكن محصلش نصيب في العمل ده، وبتمناله كل التوفيق في إنه يلاقي بطلة جديدة”.
نرشح لك: سناء يوسف: الزوجة التانية مش دايما خطافة رجالة
أضافت: “أي صحفي كان بيكلمني الفترة اللي فاتت وبيقولولي أخبار ماما وزيرة إيه، أنا مبتكلمش عن حاجة غير لما أمضيها فعليًا عشان أقدر أتكلم، عشان لو فيه فرصة لأي زميلة أخرى أنها تيجي تعمل العمل ده، ميتقالش ده كان مترشح ليه داليا وداليا اعتذرت، مش حلو للي هتيجي تعمل العمل وأنا بحترم زميلاتي”.
View this post on Instagram
يذكر أن آخر أعمال الفنانة داليا البحيري هو مسلسل “فلانتينو” من بطولة عادل إمام، ومن تأليف أيمن بهجت قمر وإخراج رامي إمام.