ريهام سعيد لمنتقدي ملابسها: مش بتفهموا في الدين

وجهت الإعلامية ريهام سعيد، رسالة لمنتقدي صورتها الأخيرة التي ظهرت فيها بذراعين مكشوفين.

نشرت “سعيد” عبر حسابها الشخصي على موقع “إنستجرام” صورة قديمة لها وهي بفستان مكشوف الذراعين أيضًا لتؤكد على أن ذلك ليس جديدًا عليها، معلقة: “دي أنا وطول عمري بسيطة وشايفة إن لو الحاجة مش مبتذلة تبقي شيك وكل واحد حر، الصورة التانية دي من أربع سنين وموجودة على كل المواقع وبتنزل في كل الأخبار ايه الفرق دراعي هو دراعي والله بس تخنت عشرة كيلو، على فكرة ده الجينز بتاعي اللي بخرج بيه والتيشرت دي من دولابي الخاص يعني لبسي”.

نرشح لك: بعد ظهوره مع إسرائيليين.. محمد رمضان يدافع عن نفسه بفيديو

تابعت: ” للعالم المريضة ركزوا في حياتكوا يا ملايكة وارحمونا من أحكامكم وآرائكم اللي ملهاش أي قيمة، ولا أنتوا ملايكة ولا ليكوا الحق في الحكم على الناس الكلام ده للقلة القليلة المريضة اللي جواها غضب بتطلعه على بروفايلات الناس المشاهير”.

أردفت: “مش فاهمة فكرة إنك تتابع واحد عشان تنتقده أنت مالك، دي أنا بسيطة وحرة وشيك وعمري ما كنت حاجة غير كده ودي طبيعتي اللي مصدوم أكيد مش ها روح البرنامج كده لأن مينفعش الواحد يروح البنك لو موظف بشورت ده غير إني ممثلة مش إعلامية بس، الدليل على انكوا و لا بتفهموا في الدين ولا تعرفوه إن الدين قال إن الكلمة الطيبة صدقة انتوا وصل بيكوا التنمر انكوا بتحكموا مين داخل الجنة ومين داخل النار، وإن تقل خيرا أو لتصمت”.

اختتمت: “ارحمونا بقي من العقد و من قلة الأدب، ناس بتبان في منتهى التقوى من ناحية المظهر وهي منحرفة انحراف رهيب، لما ميعجبكش حد ابعد عنه وادعيله بالهداية مع إن مجرد إنك تحكم على حد وعلى علاقته بربنا أنت اللي محتاج ندعيلك بالهداية”.