تامر حسني يدعو لنبذ التعصب بين جماهير الأهلي والزمالك

عمر دياب

دعى الفنان تامر حسني جماهير الكرة المصرية من مشجعي النادي الأهلي ونادي الزمالك، لنبذ التعصب قبل المباراة التي ستجمع الفريقين خلال الساعات القليلة المقبلة في نهائي دوري أبطال أفريقيا.

كتب “حسني” خلال صفحته الرسمية على موقع التواصل الاجتماعي “فيس بوك”: “رأيي الشخصي المُتواضع، مهما اتكلمنا كلنا فى الروح الرياضية الجميلة في كرة القدم مش هيكون كلامنا مؤثر زي أصحاب الرياضه نفسها”.

نرشح لك: شاهد.. سبب بكاء ياسر جلال بعد توقفه عن التمثيل لمدة عام

تابع: “يعنى لو صداقتهم الطيبة تبان في العلن من خلال بوستات فيها سلام بين اللاعبين، هتخليهم ينقلوا الروح السلمية دي للناس ولكُل الجماهير، ولو أثناء المباراة حد خبط حد يعتذر له ويطّمن عليه الناس فورا هتفرح بالروح دي، والروح دي هتنتقل للبيوت وللجماهير ومش هيكون في أي نزاعات”.

أضاف: “لو المباراة خلصت و كل لاعب جري حضن لاعب من الفريق التاني فعلا هيخلوا الناس في البيوت وكل مكان في نفس حالة السلم اللي هيصدروها، حتى لو إدارة كل نادي ألزمت كل فريق بالروح دي إجباري لأن ولادنا يستاهلوا إنهم مايكرهوش بعض ولا يتخانقوا بسبب رياضة المفروض إنها بتجمع الناس”.

استكمل: “مش منطقي برضو كل ماتش الناس تحس أن في حرب هتحصل وبين مين أهم وأعرق الأندية المصرية اللي مشرفينا في كل الدنيا، يا رب كل الخير ليهم ولأولادنا وللجماهير العظيمة المخلصة”.