10 تصريحات لـ سميحة أيوب.. أبرزها عن زيجاتها
دنيا شمعة
حلت الفنانة سميحة أيوب، ضيفة على برنامج “باب الخلق” مع الإعلامي محمود سعد، المذاع عبر شاشة “النهار”، وتحدثت خلال اللقاء عن بدايتها الفنية، وذكريات زيجاتها، وشغفها بالمسرح.
يستعرض “إعلام دوت كوم” فيما يلي أبرز تصريحاتها خلال اللقاء:
نرشح لك: بسبب كورونا.. هاني رمزي: كنت معرضًا للاحتجاز في الصين
1– تعرفت على محمود مرسي بالصدفة في باريس، كنت معجبة به، وفضلنا سنة ونص بنبص لبعض ومش قادرين نقول لبعض.
2– ندمت على طلاقي من محمود مرسي، وعلى عدم ترك عملي من أجله.
3– كنت مع محسن سرحان في فيلم وكنت عامله دور أخته الصغيرة، والبنات هناك كانوا هيموتو عليه وأنا كنت قاعدة في ركن لوحدي، قالي إنتي مسترجلة وهتبقي زي أمينة رزق.. وكنت قرفانة منه، لحد ماتعبت وجه يزورني مع فريق الفيلم، وبعدها بفترة قالي تتجوزيني؟
4– أهلي كانوا رافضين جوازي من محسن سرحان عشان فرق السن.. أنا مكنتش حاسة بده بس هو كان حاسس وبعد الجواز كام فيه غيرة مش طبيعية، ده ليلة الفرح راح يجيب حاجات من جروبي وحبسني في البيت وقفل عليا الأوضة والمعازيم برة.
5– لم أتمنى أن أكون ممثلة أبدًا، بل دخلت المجال بالصدفة البحتة عن طريق زميلتي بالمدرسة.
6– أول مكافأة في حياتي كانت 6 جنيهات، وخالي هو من أقنع عائلتي بدخولي المجال الفني.
7– زكي طليمات لم يقتنع بي في البداية كممثلة، ولكن چورچ أبيض كان متمسك بي وبموهبتي بشدة.
8– سأعود للمسرح بعمل جديد لسمير العصفوري، ووافقت عليه لأني أريد سمير أن يعود للمسرح مرة أخرى.
9– غيرت اسمي مرتين في بدايتي خوفًا من عائلتي..أول مرة غيرت اسمي كانت في فيلم شاطئ الغرام، كان اسمي على الإعلان بتاع الفيلم ناهد فريد، وتاني مرة في عذراء الربيع في الإذاعة كتبت اسمي سميحة سامي.
10– أنا اتعرفت أوي من حاجتين.. سمارة ورابعة العدوية، ومكنتش مصدقة نجاحي وقتها.. ده هدى أسرتي شوية بس العيلة لأ.