"المهم بقيت إيه!".. عمر كمال يرد على المنتقدين

دنيا شمعة
رد المطرب عمر كمال، على حملة السخرية والتنمر التي تعرض لها خلال الفترة السابقة، على مواقع التواصل الاجتماعي المختلفة.

قال “عمر” خلال منشور عبر حسابه الشخصي، على موقع التواصل الاجتماعي “فيس بوك”: “كل ما أحط بوست وممكن الناس تشوف بعنيها عشان محدش يقول ده بيحور وبيعمل بوست وتريند، ألاقي ناس كتيرة حطالي صورتي اللي على اليمين في الكومنتات من باب السخرية.. حتى الصورة اللي منزلها لوالدتي وبعبر عن حبي ليها عشان عيد ميلادها منزلين الصورة من باب السخرية”.

نرشح لك: رد ريهام سعيد على متابع اتهمها بمقاطعة الضيوف

أضاف: “فعايز أرد عليهم وأقولهم والله الحمد لله على شكلي في جميع مراحل حياتى ودي حاجة أنا مش بتكسف منها واديني نزلت الصورة أهو للناس في بوست عشان تشوفها ومش مكسوف، الصورة اللي على اليمين دي لإنسان كان معندهوش رفاهية أنه يروح للدكتور يتابع معاه رچيم أو يروح للچيم أو حتى عنده وقت يفكر في شكله.. إنسان كان كل همه يشوف السرير بعد يومه الطويل عشان يصحى ليوم تاني أصعب.. مش مهم كنت إيه المهم بقيت إيه”.

أردف: “اشتغلت على نفسي وبكرم وفضل ربنا اشتغلت الحاجة اللي بحبها.. وركبت العربية اللي بحلم بيها.. وكونت نفسي.. وعملت وضع واسم لنفسي.. وربنا جعلني سبب في إني شايل مسئولية ناس وفاتح بيوت ناس كتير من غير جنيه من بابي ومامي ولا مساعدة حد غير ربنا ثم دراعي”.

استكمل: “أشك لو أنت إنسان عندك حاجة مفيدة في حياتك تعملها أو عندك هدف في حياتك أن يبقى عندك وقت تدور على صور حد وتسخر منه.. صدقني الحياة مفيهاش وقت تضيعه في الكلام ده شوف حاجة أفيد واعملها”.