تامر أمين: الخطاب الديني من أسباب الزيادة السكانية

دنيا شمعة

قال الإعلامي تامر أمين، إنه يعتبر الخطاب الديني واحدا من أهم الأسباب التي أدت لفشل معظم حملات التوعية لتنظيم النسل.

تابع “أمين” خلال حلقة اليوم الثلاثاء، من برنامجه “آخر النهار”، المذاع عبر شاشة “النهار”: “اللي بيأكد هذا النوع من الخطاب الديني، مجموعة من الشيوخ اللي ملهمش علاقة لا بالاستشياخ ولا بالدين”.

نرشح لك: تامر أمين: علي معلول يستحق لقب ابن النادي … ومروان محسن حان وقت رحيله

تابع: “آه منع الخلفة حرام لأن ده رزق، بس محدش قال إن تنظيم النسل حرام.. إنما دول بيقولوا كل ما تقدر تخلف خلف”. مضيفا: “محدش في الدنيا كلها طلع قال (منع النسل)، لكن إحنا بنقول (تنظيم).. يعني نخلف حسب إمكانياتنا المادية، إنما غير كدة يبقى بزود ديوني ديون”.

أردف: “إحنا بنتجوز وبنجيب كل 9 شهور عيل، آه العيال بيجوا برزقهم بس بردو ربنا قال اعقلها وتوكل.. بدليل إن فيه أسر مش لاقية تاكل.. هل كده يبقى ضد وعد ربنا؟ ربنا مبيخلفش وعده.. ربنا قال فكر الأول وبعد كده هات العيال”.

اختتم: “المسؤولية عندي أنا.. أنا اللي بتحكم وأشوف هقدر أصرف على عيل ولا اتنين ولا تلاتة حتى”.