إسلام إبراهيم عن انتقادات إطلالته في مهرجان القاهرة: "مهنة التمثيل بقت قاسية"

هدير عبد المنعم

استاء الفنان إسلام إبراهيم من الانتقادات التي تعرض لها، بسبب إطلالته في حفل افتتاح مهرجان القاهرة السينمائي الدولي في دورته الـ 42، الذي أقيم مساء الأربعاء بدار الأوبرا المصرية.

نشر “إبراهيم” عبر حسابه الشخصي على موقع التواصل الاجتماعي “فيس بوك”، صورته من حفل الافتتاح وصورة البدلة التي ارتداها، وكتب: “مالها البدلة يا جماعة مش فاهم، ولا علشان أنا اللي لابسها فمن حقك تشتم وتجرح حتى لو أنا ما أساءتلكش في حاجة أو غلطت فيك، اللبس ده حرية شخصية البدلة كحلي في أبيض عادية جدا أنا شايفها حلوة وما زلت شايفها حلوة”.

نرشح لك: على أنغام أغنية “كاجولوه”.. تكريم منى زكي في مهرجان القاهرة

واصل: “بجد مهنة التمثيل بقت قاسية جدا ومش أي حد يتحملها والتنمر اللي بيتعرضوا له الفنانين بقى لا يحتمل، ومحدش يقولي متردش أنت شخصية عامة أنا في الأول والآخر بني آدم وبرضوا مش هتقدروا تهزوا ثقتي في نفسي أو في ربنا”.

اختتم: “أكيد مش كل الناس مقصودة بالبوست بتاعي، بفضل ربنا في ناس كتير بتحبني وبتحكم عليا من خلال فني اللي بقدمه وبس، ربنا يخليكوا ليا ويكتر من أمثالكم”.

يذكر أن حفل افتتاح مهرجان القاهرة السينمائي الدولي في دورته الـ 42، أقيم مساء الأربعاء بدار الأوبرا المصرية، وتستمر فعاليات المهرجان حتى يوم 10 ديسمبر.