أندرو محسن يعلق على أزمة التذاكر في مهرجان القاهرة
علق الناقد أندرو محسن، منسق المكتب الفني بالدورة 42 لمهرجان القاهرة السينمائي، على أزمة التذاكر والزحام في مهرجان القاهرة السينمائي الدولي في دورته الـ42.
كتب “محسن” عبر حسابه على موقع التواصل الاجتماعي “فيس بوك”: “إحنا بنحاول نلاقي حلول للضغط على التذاكر، أول يوم كان فيه مشاكل كتير اتحلت نسبيًا اليوم التاني، ولسه وبنحاول نلاقي حلول تانية”.
نرشح لك: أندرو محسن: جودة وتنوع أفلام المهرجان دليل على عدم الاستسلام لـ كورونا
تابع: “لكن فيه مشكلة ملهاش حل للأسف، وهي إن القاعات كلها شغالة بنصف سعتها، المسرح الكبير اللي كان بيشيل أكتر من ألف كرسي أصبح فيه 500 بالظبط، والقاعات الأصغر مشكلتها أكبر، المسارح اللي سعتها 200 أصبحت بتشيل 100 كرسي فقط، وده رقم قليل جدًا بالنسبة للإقبال الموجود أنا عارف، بس دي حقيقي حاجه ملناش يد فيها على الإطلاق”.
أردف: “حاولنا نعالج ده بعرض بعض الأفلام 3 عروض، وبنحاول دلوقتي نعمل عرض تالت لأفلام تانيه لتفادي المشكلة، خاصة بالنسبة لمسابقة سينما الغد”.
مهرجان القاهرة السينمائي الدولي، افتتح فعالياته يوم الأربعاء الماضي 2 ديسمبر، ومن المقرر أن تستمر فعالياته حتى 10 ديسمبر الجاري.