"سفاهة".. مبروك عطية ينفعل على صاحب إلقاء الأموال من شرفة منزله
حل الشيخ مبروك عطية، والمهندس صبري صدومة، صاحب فيديو رمي النقود من شرفة منزله، ضيوفا على برنامج “يحدث في مصر” مع الإعلامي شريف عامر، مساء أمس الثلاثاء، عبر شاشة “mbc مصر”.
قال الشيخ مبروك عطية خلال الحلقة أن ما فعله هذا الشخص، هو بمثابة سفه وإسراف ولا يعتبر صدقة على الإطلاق.
نرشح لك: تفاصيل إلقاء مواطن أموالا على الناس من شرفة منزله
تابع “عطية”: “عندنا طريقة واحتراف وفن لتوزيع الصدقة، إنك تدي الصدقة في العلن ده غلط، روحله سرًا روحله بالليل، إنما اللي بيعمله البشمهندس أو غيره فده الدرجة الأخيرة في السفاهة، والسفاهة هنا معناها عدم حسن التصرف”.
أضاف: “رمي الفلوس في الشارع ده اسمه (يلقح الفلوس).. تقولي فقراء أو مساكين، يتقبض عليك في دين الله الإسلام، ولا يمكن تتصرف في مالك”.
من جانبه رد “صبري”: “طوب الأرض قالي كده وقالولي أنت بترمي فلوسك في الأرض، ويقولولي ما تديني أنا ده أنا محتاج وهو أصلًا نصاب.. أنا بدي فلوسي للناس ولا يعنيني ده محتاج أو لأ، إلا إذا هو رفض، وقتها بشوف غيره.. ولما الإمام نصحني وقلتله (من الله وإلى الله) سكت”.
أضاف: “أنا عندي علم فراسة، وبعرف اللي جاي ده صادق ولا لأ، ورمي الفلوس من البلكونة ده جزء من اللي بفرقه”.