محمد عبد الحليم: يوم وفاة أختي محمد صبحي قدم القهوة للناس

هدير عبد المنعم

قال الفنان محمد عبد الحليم، إنه كان يجلس بجوار منزله وكان يأتي إليه أصدقاءه الفنانين مثل يوسف شعبان وسعيد صالح ويونس شلبي وعادل إمام وصلاح السعدني وهادي الجيار ومحمد صبحي، مضيفا: “المكان ده أنا بحبه غصب عني، دي حياتي ومتربي فيها، اللي هى منطقة الملك الصالح”.

تابع “عبد الحليم” خلال لقائه مع برنامج “بيت ريا وسكينة” المذاع على شاشة “النهار” وتقدمه الفنانة انتصار: “أنا بحبهم وهما بيحبوني، كنا بعد ما نخلص المعهد كانوا بيجولي، زمان كان فيه واحد بتاع كشري كنا بناكل كشري، ونقعد في قعدة جميلة وجنبنا القهوة بنطلب منهم الشاي واللي بيشرب شيشة بنجبله شيشة، واكتر الناس اللي كانت بتجيلي سعيد صالح ويوسف شعبان”.

نرشح لك: مهرجان نقابة الممثلين للمسرح يكرم عبد الرحمن أبو زهرة في دورته الخامسة

استكمل أن الفنان الراحل سعيد صالح كان من أعز أصدقاؤه وكان يأتي له حتى بعدما مرض وحتى توفى، مضيفا أنه عمل بالمسرح مع الفنان محمد صبحي في مسرحية “وجهة نظر” وشارك معه في مسلسل “سنبل”.

ذكر أن محمد صبحي فنان عظيم وكنا أصدقاء وجيران في المعهد، مضيفا: “هو صديقي فعلا ويوم وفاة أختي عمل شيء جميل معايا جدا، كان هو اللي بيقدم القهوة للناس، وهو شخصية عظيمة قوي يعني”.

في نفس السياق، روى: “جلال الشرقاوي كان صعب معانا جدا واتعلمنا منه حاجات كتير جدا وكان شديد معانا وأي واحد يمثل قدامه يقول له وحش عيد تاني، لحد ما اتعلمنا فعلا كل واحد بيطلع يمثل عنده قاعدة عاملها، أساس القاعدة دي الأستاذ جلال الشرقاوي”.

ومن جانبه، أردف: “أنا عملت حاجات كتير جدا كسرت مصر، اشتغلت في العصيان وفي رأفت الهجان وفي مسرحية وجهة نظر مع محمد صبحي، واكتر حاجة بحبها مسلسل سوق العصر، المسلسل كان جميل وعلق مع الناس والناس لحد دلوقتي بتنده لي باسم الشخصية”.