عمرو محمود ياسين مدافعا عن ميدو: هو أتصور مع شارون؟!

عمر دياب

علق الفنان عمرو محمود ياسين، على الانتقادات التي تعرض لها أحمد حسام ميدو لاعب منتخب مصر ونادي الزمالك السابق، بسبب تداول صورته مع كابتن محمود الخطيب رئيس النادي الأهلي.

كتب “ياسين” عبر حسابه الشخصي على موقع التواصل الاجتماعي “فيس بوك”: “وهو بعض جمهور الزمالك اللي بيهاجم (ميدو) عشان أتصور مع الخطيب، يعني معلش بيفكروا في إيه؟ هو أتصور مع شارون ولا حاجة؟ حصل إيه في عقول الناس؟ ليه الهيافة احتلت مساحات شاسعة من عقولكم”.

نرشح لك: ميدو عن صورته مع “الخطيب”: “محدش واصي عليا”

تابع: “يا جماعة أقسم بالله في النهاية دي كورة قدم.. رياضة وتنافس، وفرحة وهزار مع المنافسين، هي مش خصومة وعداوة.. الواحد بيقرأ ويتابع أراء وأفكار مخيفة بجد”.

كان “ميدو” تعرض لانتقادات كثيرة وشتائم حادة لظهوره بالأمس بصحبة محمود الخطيب وعدد من مشاهير النادي الأهلي.

وجاء رد “ميدو” على الانتقادات عبر حسابه على موقع التدوينات القصيرة “تويتر”: “بتشتم من إمبارح أنا وعيلتي علشان اتصورت مع كابتن محمود الخطيب”.

أضاف: “الله يخرب بيت اللي باعلكم التعصب وباعلكم فكرة العداء، وإن إحنا بيننا حرب الله يخرب بيت اللي بدع اللجان الإلكترونية والتريندات الله يخرب بيت العيال بتوع السوشيال ميديا اللي بيوزعوا صكوك حب الزمالك”.