صاحب واقعة "رمي الفلوس من البلكونة": "هحدف تاني"

هدير عبد المنعم

علق صبري عبد العزيز، المواطن الذي ظهر في مقطع فيديو وهو يلقي بأموال من شرفة منزله على المواطنين في الشارع، على تداول الفيديو في وسائل الإعلام، وقال: “يبدو أن الإعلام عمل من الحبة قبة، الأمور بسيطة ومفيش مشاكل يعني، أنا حبيت تحت البيت تبقى العملية منظمة، أقف وهما يقفوا صف وأنا اعدي عليهم، يبقوا واقفين بكرامة، واللي ياخد حاجة ياخدها ويمشي والأمور تبقى منظمة ومرتبة”.

تابع “عبد العزيز” خلال مداخلة هاتفية مع برنامج”صورة مع علا” المذاع على شاشة “النهار” وتقدمه الإعلامية علا شوشة: “اتكاتروا عليا فطلعت فوق البيت ببص لقيت العدد زاد، فقلت من الله وإلى الله وما رميت إذ رميت ولكن الله رمى، رزقكم في السماء وما توعدون، يرزق من يشاء بغير حساب، ورحت رامي الفلوس”.

نرشح لك: “الأرصاد”: 21 ديسمبر بداية فصل الشتاء

ذكر أنه لو كان تحت المنزل الموضوع سيكون بسيط ولن يتم تصويره، مضيفا: “الطابور كان هيبقى حاجة منظمة حاجة فيها كرامة”.

استكمل: “اللي أنا عملته من البلكونة جزء من 10 حاجات بعملها، بعدي على جمعيات خيرية ومستشفيات، ورميت الفلوس كتير لكن لم تعرف، هى المرة دي بس اللي اتعرفت، أنا عملتها قبل ما تتعرف كتير”.

وعن إمكانية تسبب الزحام من قبل المواطنين أجل أخذ الأموال في أذى لهم، قال: “الأذى لو غير مقصود مفيش عقاب فيه، إنما لو مقصود فيه عقاب”.
أشار إلى أن كلًا من الداعية أحمد كريمة والداعية مبروك عطية أجمعوا على أنه لا بد ألا يكرر هذا الأمر، قائلا: “أنا مش بعاند، خلاص هحدف تاني وبعد مرة أو اتنين هيبقى بلاش، لأن ده مبلغ مرصود أنا مجهزه، أوعدك هتبقى مرة واحدة كمان هتتعمل وخلاص”.