نيللي كريم عن تحضيراتها للمهرجانات: مأساة

هدير عبد المنعم

علقت الفنانة نيللي كريم، على تصميم الفستان الذي ارتدته في حفل ختام مهرجان القاهرة السينمائي الدولي في دورته الـ 42، وقالت إنها لم ترتدي فستان بلون فاتح منذ فترة طويلة، مضيفة: “تحضير المهرجانات ده بجد مأساة، لأن لازم ميكب وكوافير وفستان وجزمة واكسسورات”.

تابعت “كريم” خلال مداخلة هاتفية مع برنامج “السفيرة عزيزة” المذاع على شاشة ، وتقدمه الإعلامية نهى عبد العزيز والإعلامية جاسمين طه، أنها لا تبذل كل هذا المجهود أثناء تصوير أعمالها، موضحة: “الشخصية اللي بعملها بيبقى مفيهاش مجهود، مبتحطش مكياج ومنكوشة”.

نرشح لك: نيللي كريم عن كوميكس “خط دم”: ضحكتني

وعن تغيير أسلوبها المعتاد في الملابس باختيارها هذا الفستان، ذكرت: “كنت قلقانة، بس الفستان كان تحفة، أنا حبيته قوي، وسارة المصممة تعبت لأن أنا علشان بحب الخياطة وبحب التصميم، فدايما تلاقيني مزعجة، أنا عارفة أنا مزعجة في التصميم والميكب وبعترف وبقولهم أنا غلسة استحملوني”.

استكملت: “بس اتبسطت، كان مجهود بس هو عموما حتى الريد كاربت فيه تعب، الناس دي كلها اللي بتمشي على الريد كاربت وبتنقي الفستان اللي يليق عليها والمشكلة إنك لبستيه مرة مينفعش تلبسيه تاني ولا شبهه ولا زيه، فكل مرة المصمم اللي بيشتغل بيتعب لأنه مش بس لازم يعمل فستان شكله حلو لا ده لازم يفكر في الموديل إنه ميبقاش متكرر ومتبقاش النجمة لبسته قبل كده ولايق عليها ولو فيه عيوب في الجسم بيفكر يداريها ازاي، فهى كأنك رايحة عند دكتور”.

لفتت إلى أن أول مرة تعرفت فيها على مصممة الفستان، سارة أنسي، كانت تقوم بجلسة تصوير لمجلة وهم من أحضروا الفساتين، مضيفة: “اللي لفت نظري إن الفينش من جوة حلو، وسألتهم هو الفستان ده بتاع مين؟ قالو لي دي بنوتة مصرية اسمها سارة أنسي، فقولت لهم أنا عايزة اكلمها واشكرها على الفينش اللي هى عملاه، لأن معظم الفساتين للأسف بتشوفيها حلوة على الشكل لكن جوة مأساة”.