تفاصيل هجوم حمو بيكا على عمر كمال

هدير عبد المنعم

هاجم حمو بيكا، مطرب المهرجانات زميله عمر كمال، واصفا إياه بالـ “صحبة مزيفة”، وذلك بسبب عدم التزام “كمال” بغناء أغنية “فستان الفرح” التي كان من المقرر أن يغنيها مع حمو بيكا.

نشر “بيكا” عبر صفحته الرسمية على موقع التواصل الاجتماعي “فيس بوك”، صورة لعمر كمال وعليها علامة “إكس” باللون الأحمر، كاتبا: “يا ريت محدش يكلمني في شغل على الشخصية دي علشان أنا كنت بحبها والشخصية دي بتتهرب من شغلي اللي خلاني اتفق عليه والإثبات بعد الصورة دي هنزل فيديو، وهو عامل بيحبني وهو بيكرهني، مع السلامة يا صحاب مزيفة”.

نرشح لك: بسبب أغنيتين.. حمو بيكا يهاجم مطرب مهرجانات

فيما نشر بعد ذلك، بث مباشر عبر صفحته الرسمية على “فيس بوك”، مشيرا إلى أنه أثناء عملهم بأغنية “انتي معلمة”، عرض عليه أحدهم عمل أغنية “فستان الفرح” ووافق عمر كمال وبعد أن اتفق حمو بيكا وحصل على “عربون”، لم يرد عليه “كمال” وتهرب منه ولم يتم تسجيل الأغنية.

تابع: “الناس دي ركبت على كتفي علشان أنا طيب وبحب الخير لكل الناس وبحب الناس كلها تشتغل، أنا صاحبت ناس مزيفين سواء هو أو غيره، وعايز أوجه له رسالة أنت إنسان مش كويس وأناني، وخلتني دفعت للناس فلوسهم، أنت واخد الدنيا فلوس وعمال تجمع في فلوس، أنا بلمع عنك، لو أنت اتعميت ومشوفتنيش النور بتاعي يخليك تشوفني، تراك أنتي معلمة اللي أنت خدته وفرحان بيه ده من حقي وأنا هقفله، أنا مغني بغني معاك ودي حقوقي وهقفل التراك ده، وأنت لوحدك كارت محروق”.


رد عمر كمال على حمو بيكا، خلال بث مباشر عبر صفحته الرسمية على موقع التواصل الاجتماعي “فيس بوك”، وقال: “أنا محترم جدا وسكت كتير جدا على إهانات الناس، أنا ممكن اطلع اهلفطك وأقولك يا (أبو كرش) بس قلة الأدب اللي أنت بتستخدمها دي مش مبدأي، ولو قفلت انتي معلمة هتقوم حرب وأنا هقفلك كل تراكاتك كده كده اللي أنا مشترك فيها عندك”.

تابع: “أول تراك أخده من حمو بيكا أنتي معلمة، وشمس المجرة اللي جايب فوق الـ100 مليون إنتاجي وألحاني أنا سايبهولك عندك على قناتك يا بيكا كل التراكات سيبهالك على قناتك أنت اللي بتاخد فلوسها وبتاكل منها عيش”.

أوضح “كمال” أن حمو بيكا أحضر شخص يمتلك محل لفساتين الزفاف وطلب منه أن يسجلوا مهرجان “فستان فرح” لصالح صاحب المحل، وأنه لم يكن يريد غناء مهرجان لفستان فرح، ولكنه أحرج بسبب وجود الرجل، مضيفا أن حمو بيكا جعله يسجل فيديو مع الرجل دون أخذ موافقته.

واصل: “أنا عايز أشيل نفسي من حتة الأسماء، عايز اعمل فن كويس زي عود البطل وبنت الجيران، حمو قال لي تعالى نعمل فيديو مع الراجل، أنت اللي حطتني مع الراجل، والأصول والشغل لما حد ييجي يقولك عايز عمر كمال تسأل عمر كمال عايز كام، ياللي بتقول عمر كمال بيجمع فلوس، أنا بجمع فلوس؟ أنا طول عمري بديك تراكاتي، عيب تقول عمر كمال صحبة مزيفة، العربية بتاعتك أنا وأمير سامي متصدرينلك عند المعرض، محدش هيطلعلك عربية بـ مليون و850 ألف جنيه، على اسم عمر كمال العربية طلعت لك من غير أي ضمان علشان عمر كمال اتصدرلك عند المعرض، وقال للمعرض بيكا ده أنا اضمنه برقبتي”.

كذب حمو بيكا عمر كمال وقال إنه اتفق أمامه على الأغنية، قائلا: “أنت كداب.. مدام عايز تطلع نفسك من المهرجانات جيت غنيت المهرجان ليه؟ مش المهرجانات دي هي اللي عليتك، أنت مزيف وبتغني بصوت واحد تاني يعني أنت مستعار، طول حياتك بتغني حزن وعياط ماتعرفتش غير من المهرجانات”.