دنيا ماهر مدافعة عن ويجز: مستغليين تذكرته عشان بـ 300 جنيه!
شاركت الفنانة دنيا ماهر، الجمهور بمنشور دافعت من خلاله عن المطرب ويجر، بعدما انتقد البعض غلاء سعر تذكرة حفله في رأس السنة.
نشرت “ماهر” منشورها عبر حسابها الشخصي على موقع “فيس بوك” وجاء نصه كالآتي: “مستغليين تذكرة ويجز علشان بـ 300 جنيه في راس السنة اللي الحفلات فيها بتبقى بالالافات ؟ انتوا عارفين الحفلة أم تلاتين جنيه دي الناس بتدفع من جيوبها علشان تعملها وما بتكسبش قرش، فهل المفروض الفنان يعيش شحات حتى لما ينجح ويسمع ويبقى مطلوب؟”.
نرشح لك: 10 تصريحات لـ دنيا ماهر.. أبرزها عن دورها في “بـ 100 وش”
تابعت: ” دي شغلة بياكل منها عيش مش عمل خيري، آلاتية وعازفين وراقصين وإضاءة ومسرح كل ده ببلاش ولا بفلوس ولا بد تكون معقولة وتجيب همها؟ اعقلوا الكلام يا جماعة والنبي وبلاش تنظير على خلق الله وانتوا عادي الـ 300 جنيه دول بتدفعوهم في قاعدة في كافيه شيك شوية”.
يشار إلى أن دنيا ماهر، شاركت في الموسم الرمضاني الماضي من خلال مسلسل “بـ 100 وش”.
مسلسل “بـ 100 وش” من تأليف أحمد وائل وعمرو الدالي وإخراج كاملة أبو ذكري، وبطولة الفنانة نيللي كريم وآسر ياسين ومصطفى درويش وإسلام درويش وشريف دسوقي وعلا رشدي ودنيا ماهر ومحمد عبدالعظيم وزينب غريب وسلوي خطاب وحنان يوسف ولؤي عمران ومن إنتاج العدل جروب، وعرض في رمضان الماضي وحقق نجاحا كبيرا.