حمو بيكا: أغنية "أنتي معلمة" جابت 150 ألف جنيه
رد مطرب المهرجانات حمو بيكا على الجدل الذي أثير مؤخرا حول خلافه مع المطرب عمر كمال، والاتهامات المتبادلة بينهما، موضحا أن الخلاف ليس متعلقا بالأموال على الإطلاق.
أضاف بيكا خلال مداخلة هاتفية مع الإعلامي وائل الإبراشي ببرنامج “التاسعة” على القناة الأولى، أن الأزمة أنه اتفق مع عمر على أغنية جديدة، وعند وقت تسجيلها تهرّب منه، قائلا: “مش فلوس.. ده القصة كلها 10 آلاف جنيه.. المشكلة إن أنا اتفقت على أغنية وهو موجود فيها وهو طلع نكر الكلام ده وقال مقاليش عليها.. المشكلة مشكلة تقدير لما تخليني اطلع الناس بتوعي واجيلك ونتفق وبعد كده اتصل بيك تقولي جاي وبعدين متجيش وتقفل التليفون ده يبقى اسمه ايه”.
نرشح لك: تفاصيل هجوم حمو بيكا على عمر كمال
وردا على ما قاله عمر كمال بأنه ضمنه في سيارة قيمتها 2 مليون جنيه، قال حمو: “هو أنا لو معايا 2 مليون إيه اللي هيخليني أغني؟! أنا راكب عربية بـ 2 مليون جنيه بس جايبها قسط بدفع كل شهر 70 ألف جنيه.. وبقالي أكتر من شهر منزلتش أفراح”.
أكد بيكا أنه سبب شهرة عمر كمال، ولولاه لما عرفه أحد، قائلا: “عمر كمال لما جالي مكنش حد يعرفه.. أنا سبب شهرته .. هو نجم وصوته حلو بس أنت كنت فين ودلوقت بقيت فين.. هو بيتهرب ليه من فلوس اليوتيوب.. مثلا أغنية انتي معلمة جايبة 150 ألف جنيه، بيطلع للشركة للنسبة بتاعتها وبيطلع ضريبة يوتيوب وفي الآخر بيصفي لله عى 80 أو 70 ألف بعد ده كله.. ألنا واحد محتكمش غير عى عربيتي وشركتي.. دي سبوبة وكلنا بناكل عيش.. بس برضو بقدم رسالة في أعمالي”.