بعد شائعات تدهور حالتها الصحية.. رسالة فيفي عبده للجمهور
هدير عبد المنعم
طمأنت الفنانة فيفي عبده متابعيها على حالتها الصحية، وأكدت أنها بصحة جيدة.
نشرت “عبده” عبر حسابها الشخصي على موقع تبادل الصور والفيديوهات “إنستجرام”، مقطع فيديو لها، وكتبت: “يا مساء الفل والياسمين من مصر أم الدنيا، جمهور الحبيب عملت لك الفيديو ده، حسبي الله ونعم الوكيل في أي حد يجيب سيرتي كده، واكتفي بهذا القدر”.
نرشح لك: فيفي عبده عن مرضها: حسد
أوضحت خلال الفيديو أنها توجه هذه الرسالة لمن يشعرون بالقلق عليها، وقالت: “ناس كتير مخضوضة عليا وإن أنا موجودة في الرعاية، والحقوها في آخر أنفاسها، اللي يعلم بده ربنا، أنا في البيت والحمد لله بصحة كويسة، كانت رجلي وجعاني وبتحسن بفضل دعاكم ليا، بشكركم على إحساسكم، للناس اللي بتحبني”.
تابعت: “أما الناس اللي بتطلع عليا إشاعة جامدة جدا إنها ماتت وده بتاع ربنا، بالعكس كويس إن الواحد بيسمع الكلام ده وهو عايش في الدنيا، واللي بيقول الحقوها في الرعاية وآخر نفس فيها، حرام عليكم، يعني حرام عليكم تخضوا الناس اللي بتحبني عليا، اللي مابتحبنيش منك لله حسبي الله ونعم الوكيل فيك، ليه بتقول عليا كده؟”.
View this post on Instagram