بالفيديو.. تامر أمين يسخر من قرار تأجيل مباراة القمة
دنيا شمعة
أبدى الإعلامي تامر أمين، استيائه من قرار اتحاد الكرة بتأجيل مباراة القمة بين الأهلي والزمالك، دون ذكر أي سبب محدد للتأجيل.
تابع “أمين” خلال حلقة الأربعاء من برنامجه “آخر النهار”، على قناة “النهار”: “ليه نبدأ شغلنا بالتأجيل وشكوك وارتياب وتحويل الكلام؟، ليه نأجل المباراة لأجل غير مسمى وفي نفس اليوم نفس الفرقتين يلعبوا ماتشات مع فرق تانية؟.. هما اليوم ده هيكونوا متخاصمين؟ ولا عشان أجازة الحلاقين فمينفعش يلعبوا يعني؟.. إيه المنطق؟”.
نرشح لك: تامر أمين للجمهور: مفيش حد من معارفي معندوش كورونا
أضاف: “كنت مستني مثلًا تكتبوا لدواعي أمنية، لأن ده السبب الوحيد اللي محدش يقدر يتكلم فيه، لكن مفيش دواعي أمنية يبقى فيه دواعي عندكم إنتم.. كدة لازم تطلعوا تفهمونا السبب في تأجيل المباراة أو لو كانت لأسباب أمنية تعلنوا ده”.
أردف: “محدش يقولي إن السبب إن معظم اللاعيبة جالها كورونا، لأن ده عذر أقبح من ذنب.. كل أندية العالم لما اللاعيبه يتصابوا بالفيروس بيتعزلوا ويستبعدوا ويتعالجوا ويلعب بدالهم ناس تانية”.
يذكر أن قرر مسئولو اللجنة الثلاثية لاتحاد الكرة تأجيل مباراة القمة بين الأهلي والزمالك والمقرر إقامتها يوم 28 ديسمبر الجاري، واستبدالها بمباراتي سموحة مع الزمالك، و الأهلي مع الاتحاد السكندري.