طليق نيللي كريم عنها: "أم بناتي خط أحمر"

دنيا شمعة

نفى هاني أبو النجا، زوج الفنانة نيللي كريم السابق، وجود أي خلاف بينه وبينها، بعد تداول منشور منسوب له على حسابه الشخصي اعتبره البعض إهانة لـ”نيللي”.

تابع “أبو النجا” خلال لقاء مع “ET بالعربي”، إن علاقته بنيللي كريم رائعة وتسير على نحو جيد ومحترمة جدًا، وأنه عندما كتب عبر حسابه: “الست الفرفوشة رزق.. والست الناجحة خليها في جايزة الدولة التقديرية”، لم يكن يقصد على الإطلاق نيللي كريم.

نرشح لك: أصالة عن صورة طليقها مع حبيبته: بتقتلني

أضاف: “بعد إنفصال 6 سنين.. أنا مبتمنلهاش غير كل الخير وإن شاء الله تكسر الدنيا، وتفضل ناجحة وتفضل رقم1، ولو بصينا مين الناس اللي بتنشر الكلام هتلاقيهم ناس لا يعرفوني ولا يعرفوها، هما بس بيدخلوا في منطقة مش بتاعتهم”.
أردف: “محدش يعرف حجم العلاقة بينا إزاي لأن دي علاقة هتفضل مدى الحياة عشان دي أم بناتي، وليها مني كل التقدير.. وأنا بطالب الناس إنها متتدخلش في حياتنا الشخصية، وإن شاء الله يبقى فيه قانون يجرم الحاجات دي.. لكن تاني وتالت أنا أم بناتي خط أحمر”.

اختتم: “دايمًا بتابع أعمالها وببقى مبسوط إنها بتنجح، لأنها اشتغلت على نفسها كويس أوي قدامي.. دول 11 سنة مش يوم ولا اتنين”.