يسرا اللوزي لمنتقدي وزنها: مش مضطرة أبرر
ردت الفنانة يسرا اللوزي، على انتقادات زيادة وزنها بعد ظهورها في مهرجان الجونة، وشائعات قيامها بعمليات تجميل، قائلة إنها ليست مضطرة لتبرير شيئ يخصها ولم تفعله من الأساس.
تابعت “يسرا” خلال لقائها مع برنامج “معكم منى الشاذلي”، مع الإعلامية منى الشاذلي، مساء اليوم الجمعة: “من أول ما عملت إعلان في رمضان السنة اللي فاتت، وأنا بردو لقيت انتقادات وتعليقات، قريت حاجات بيقولوا إني عاملة عمليات تجميل، بس أنا مش من الناس اللي بتعمل عمليات تجميل، أنا قادرة أفهم إن الناس فاكرة إن كل الممثلات بتعمل عمليات تجميل.. بس أنا مش منهم”.
نرشح لك: تفاصيل فيلم “وقفة رجالة” لـ أمينة خليل
أضافت: “أولًا أنا مش محتاجة أبرر حاجة لحد.. بس أنا مهما قلت طالما هما مقتنعين بكده يبقا مش هقدر أغير فكرتهم”.
أردفت: “فيه تنمر على وزني رغم إنه نفس وزني بعد ولادة بنتي الأولى، أنا لسة قدامي ٧ شهور على ما أوصل لوزني الطبيعي، بس اللي أنا استغربته إن أصلًا في مجتمعنا جسم الست مش رفيع”.
استكملت: “مش حاسة إني حاجة مختلفة.. أنا كان ممكن أقفل على نفسي لحد ما أخس ويشوفوني كأن محصلش حاجة، بس أنا قلت إن ده مهم إن الناس تشوفه عشان يعرفوا إن كلنا بشر”.