سيف زاهر عن التنمر بابنته: "قلة أدب وسفالة"

قال الإعلامي سيف زاهر، إن حالته الصحية في تحسن، موضحًا أن عدوى كورونا انتقلت إليه من ابنته ليلى بعدما كانت مع منتخب شباب الآنسات.

وأضاف “زاهر” في مداخلة هاتفية مع الإعلامية لميس الحديدي في برنامج “كلمة أخيرة”، المذاع على فضائية “ON E”، مساء أمس الأحد،: “أخدته من ليلى بعدها بيومين تلاتة، لكن حالتها مستقرة في الوقت الحالي وستقوم بعمل مسحة خلال الفترة المقبلة للاطمئنان أكثر على حالتها”.

نرشح لك: سيف زاهر: “اتعديت من ليلى بنتي”

ونصح بإجراء التحاليل لكل من لديه أعراض، من خلال الاستعانة بالطبيب المختص، باعتباره الحل الأمثل في هذا التوقيت، معقبًا: “المشكلة إن كل واحد بيقول لا مش كده فبياخد معاه تلاتة أربعة”، بحسب تعبيره.
وعن حملات التنمر التي واجهتها ابنته والعديد من منتخب الشباب للسيدات قائلا: “ده قلة أدب وسفالة، ولازم يكون فيه إجراء قانوني، وفي ناس كتير هي دي طبيعتها، وإما بيتقبض عليهم والقانون بياخد مجراه، ويجي أهاليهم يعيطوا، لكن أهاليهم مربوش العيال دي، والكلام مش هيخلص، لازم نحط الأسامي على الشاشة والناس اللي تنمرت تتفضح ويتقبض عليها، والقانون يتطبق عشان بعد كده الناس تخاف، ويعرفوا أن البنات دي بتتعب وبتتمرن كل يوم عشان خاطر اسم البلد”