10 تصريحات لعمرو وردة.. أبرزها عن اتهامات التحرش

دنيا شمعة

حل اللاعب عمرو وردة، ضيفًا على برنامج “اللعيب” مع الإعلامي مهيب عبد الهادي، مساء الخميس، عبر شاشة “MBC مصر”.

تحدث “وردة” عن أزماته واتهامات التحر التي لاحقته خلال السنوات الماضية، وفيما يلي يرصد إعلام دوت كوم أبرز تصريحاته:

نرشح لك: عمرو وردة: اعتذرت عن التحرش عشان أرجع ألعب فقط

1- أنا اعتذرت عن اتهامات التحرش عشان أرجع ألعب، ومش هقول مين قالي اطلع اعمل الفيديو عشان تلعب، أنا تربيتي من وأنا صغير مينفعش أقول حد على الهوا.

2- طبعًا زعلان من ناس كتير عشان بتقول عليا كلام مش كويس وأنا مش كده، أنا لما كنت في المنتخب كنت بموت نفسي على كل كورة عشان أفرح الناس في مصر.

3- حد غيري كان بطل كورة.. وطبعًا زعلان عشان الناس كانت دايمًا فاكرة إن عمرو وردة راجل في الملعب، أنا زعلان عشان الناس فاهمة كده، وكل الناس وقفت جمبي.

4- محمد صلاح كان يعلم بكوني مظلوم وأعطيته هاتفي ليفتش به ويتأكد بنفسه، كنت أشعر بالظلم الشديد وجلست في غرفتي 10 أيام، ولعيبة المنتخب قالوا لأجيري لو وردة مشي إحنا هنمشي.

5- هناك من كان يتربص بي ويريد إيقاعي بسبب اختياري للعب في المنتخب، وهذا سبب وقوع الأزمة بالتزامن مع أمم أفريقيا.. لكن لا أستطيع اتهام شخص معين.

6- كنت أرجل واحد في المنتخب في كأس العالم، ولكن الظلم الذي تعرضت له هو السبب في تغيير نظرة الجمهور لي.

7- أنا على تواصل مستمر بمحمد صلاح والنني وكوكا وتريزيجيه والمحمدي، وحجازي أيضًا كان أول من وقفوا بجواري في مشكلتي.

8- أنا عاوز أقول للناس كلنا بنغلط وأنا مظلوم، لكني مش ملاك ومش بقول كده عشان أرجع عشان ربنا موجود وهو اللي بيغفر، لو أنا غلطان هعتذر بس أنا مش غلطان ومش هعتذر.

9- لو عدت إلى مصر لن ألعب إلا للنادي الأهلي، وحصلت على عروض في الزمالك وبيراميدز، لكن لن ألعب إلا للأهلي في مصر.

10- لو عرض علي نفس عرض رمضان صبحي لن أقبل الانتقال من الأهلي، فالمال لن يجعلني سعيدًا.. ليه أخد زيادة وأخسر الناس؟