شاهد.. حورية فرغلي تكشف معاناتها بعد تشوه أنفها

كشفت الفنانة حورية فرغلي تفاصيل معاناتها خلال السنوات الأخيرة، بعد تشوه أنفها عقب العمليات التي خضعت لها بعد حادث سقوطها من على ظهر أحد الخيول.

أوضحت حورية خلال مداخلة هاتفية مع الإعلامية إيمان الحصري ببرنامج “مساء dmc”، أنها حزينة للغاية لأنه لا يتواصل معها أي شخص من الوسط الفني، ولا يسأل عنها أحد، قائلة: “محدش بيكلمني، ليه أنا ضايقت مين، صعبان عليا نفسي، ومش عايزة حد يشوفني كده إلا لما ارجع زي الأول، وكمان الواحد بيكبر في السن كمان، يعني ممكن أعمل عمليه تطلع كويسة بس أنا كبرت في السن أنا عندي 44 سنة دلوقت”.

نرشح لك: حورية فرغلي: الوسط الفني ابتعد عني بسبب شكل “أنفي”

أضافت أنها تعيش بمفردها تماما منذ أزمة فيروس كورونا المستجد، بعيدا عن والدتها وشقيقها، وعند خروجها من المنزل بالكمامة يتعرف عليها الناس في الشارع رغم ذلك، مضيفة: “أنا مش عايزاهم يفرقوا بين شكلي قبل كده وشكلي دلوقتي، بقول حسبي الله ونعم الوكيل في اللي يقول ده من التجميل بقول يارب خليه في مكاني عشان يحس اللي أنا حاسة بيه، كفاية إني بتنفس من بوقي ومبستطعمش الأكل ومش بشم أي ريحة.. ده عذاب”.

تابعت أنها تنتظر حاليا عودة فتح السفارة الأمريكية في القاهرة لتتمكن من الحصول على تأشيرة والسفر لإجراء عملية جديدة لدى أحد أشهر الأطباء هناك، ولديها أمل كبير أن تعود أفضل مما كانت عليه، مضيفة: “أنا كنت متخيلة إن الناس اللي كانوا حواليا يسألوا، فجأة اختفوا ونسيوني.. فاتصدمت، أنا وقفت جنبهم وساعدتهم فا ليه؟!”.