محمد فؤاد لـ حلمي بكر: "مين ولاك علينا؟!"
دنيا شمعة
قال الفنان محمد فؤاد ردًا على انتقادات الملحن حلمي بكر، على أغنيته الجديدة “الحفلة”، إن الحكم الوحيد على أي عمل فني هو الجمهور.
تابع “فؤاد” خلال مداخلة هاتفية مع برنامج “آخر النهار” مع الإعلامي تامر أمين، اليوم الثلاثاء، المذاع عبر شاشة “النهار”: “اللغة في مجتمعنا اتغيرت، بس إحنا بنحاول نهذب الألفاظ وننقي أفضلها، أنا من الناس المعروف بختار الكلام في 3 شهور وبغني في 3 ساعات.. لأن الكلام أخطر حاجة”.
نرشح لك: بعد ظهورها مع عمرو دياب.. من هي كارولينا زوبكوفا؟
أضاف: “فيه قطاع كبير جدًا في مصر بيسمع الناس دي، وأنا رأيي إن الغنا بكل أنواعه اللي يتجاوز فيه بقضية ويتحبس.. حتى لو كان محمد فؤاد نفسه”.
أردف: “لو هتتصنف مهرجانات فليا الشرف، أنا مش عارف تتصنف إيه بس أنا بعمل الشكل اللي يبقى جميل ويعجب الناس، ويدي الناس جرعة تفاؤل”.
استكمل: “مش محمد فؤاد اللي يرجع في كلامه، وبعدين أنت مين ولاك علينا.. مفيش حد واصي على حد، الواصي فقط هو الجمهور”.
كان حلمي بكر قال عن أغنية “الحفلة” التي طرحها محمد فؤاد مؤخرا، إنه “رخص نفسه بغنائه لها”، والأغنية من كلمات الدبل زوكش، وألحان علاء فيفتي، وتوزيع كولبكس بوي.