أتمنى أرجعله تاني.. عبير صبري تكذب تصريحاتها عن الحجاب
أعربت الفنانة عبير صبري، عن استيائها من الأخبار التي انشرت عن ندمها على ارتداء الحجاب.
أوضحت عبير صبري في بيان نشرته على حسابها الرسمي على موقع تبادل الصور انستجرام، أنه تم تحريف تصريحاتها في حوارها مع الإعلامي عمرو الليثي والمقرر عرضه يومي الجمعة والسبت القادمين.
قالت عبيرة في بيانها:”صباح الخير ارجو من رواد السوشيال ميديا انهم ميصدقوش المواقع اللي تاخد كلام في برنامج متصور صوت وصوره ويلحقوا قبل اذاعه الحلقه ياخدوا نصف التصريح عشان يغيروا معناه لزياده مشاهداتهم وميهمهمش سمعه وكرامه الفنان اللي هيتعرض ليه الفنان طالما هيعملوا ترند محروق”.
نرشح لك: عبير صبري عن انتقاد قبلات الثنائيات: نبوس في البيت وعلى الريد كاربت إيه اللي يمنع؟
وأضافت: ” رأي كان ومازال الحجاب فرض اؤمن به تماما واجابتي عن السؤال كانت في حلقتي اللي هتعرض يوم الجمعه والسبت في برنامج واحد من الناس مع دكتور عمرو الليثي هل ندمتي علي الحجاب قلت حرفيا ندمت اني لبسته قبل ما أكون مستعده مظبوط للخطوه دي وندمت أني قلعته، وأتمني ارجعله في وقت تاني”
وتابعت: “فلو سمحتم متحطونيش في خانه مش بتاعتي ولا انتمي ليها انا اؤمن بالحجاب واحترمه وأمي واختي محجبات وأنا بعرف أنا بقول أيه كويس أما شتايم الناس فهي في رقبه كذب المواقع الباحثين عن ترندات قله القيمه وشكرا”.
View this post on Instagram
يذكر إنه انتشر على المواقع تصريحات مقتطعة من إعلان الحوار الذي يجمع الفنانة عبير صبري مع الإعلامي عمرو الليثي وانتشرت تحت عنوان عبير صبري تعلن ندمها على ارتداء الحجاب