بسبب مرض أبوها.. زوجة السقا: حاجة مهمة عاوزة الناس تعرفها
شاركت الإعلامية مها الصغير زوجة الفنان أحمد السقا، مع متابعيها تفاصيل عودة والدتها للزواج من والدها مصفف الشعر محمد الصغير، مرة أخرى بعد انفصالهما منذ 22 عاما، وذلك بعد إصابته بفيروس كورونا منذ عدة أيام.
نشرت “الصغير” عبر حسابها الشخصي على موقع تبادل الصور والفيديوهات إنستجرام، صورة لوالدها ووالدتها، وكتبت: “في حاجة مهمه قوي عايزة كل العالم يعرفها، وأكيد مش هعرف اكتب الكلام ده تاني.. أبطال القصة دي هم أبي وحياتي كلها واللي يعرفني كويس يعرف إن محمد الصغير مش أبويا بس هو حب عمري، والبطلة التانية هي أعظم ست في العالم ملكة العلايلي”.
نرشح لك: مها الصغير تطلب الدعاء لوالدها بعد إصابته بكورونا
تابعت: “قصة حب عشتها على مدار كل يوم وكل ثانية لغاية اللحظة حتى لما اتطلقوا كنت عارفة إنه بيحبها وهي بتحبه وعمري ما شفته أو شفتها سعيدة غير وهي مراته، المهم أمي اتجوزت أبويا وهي من عائلة ارستقراطية وهو من عائلة بسيطة وتحدت أهلها وقاطعوها وهو لم يكن معاه سوى 100 جنيه، وحصل مشاكل واتطلقوا من 22 سنة ويوم ما تعب وهو حواليه ناس كتير قوي (بس في الأفراح فقط)طلب مني أطلب أمي في التليفون وطلب يشوفها وجت له على طول”.
واصلت: “يوم ما حس إنه ضعيف قوي وتعبان بجد طلب ضهره وسنده اللي بجد مش في المنظرة وجت وطلب منها متزعلش منه وإنها تتجوزه على سنة الله ورسوله تاني وأصدقاء الأبطال في هذا الفيلم الجميل اللي شهدوا هذه اللحظة هما أنا وأخويا مصطفى وأخويا التاني الدكتور اللي مسبنيش لحظة يحيى البستاني، الدنيا اتدربكت وطلب مأذون وجه المأذون جوز ملكة العلايلي لمحمد الصغير على سنة الله ورسوله، فهذه العظيمة اتجوزته وهو محلتوش حاجة وفي عز ضعفه ورجعت له و طهو في عز ضعفه برده
ونام في حضنها وهو مرتاح قوي، هو الآن في أمس الحاجة للدعاء لأنه في لحظات حرجة قوي، ادعوا له و آسفة إني طولت عليكم”.
View this post on Instagram
