تامر أمين عن مباراة الأهلي وبيراميدز: ملهاش طعم
دنيا شمعة
قال الإعلامي تامر أمين، إن مباراة اليوم بين الأهلي وبيراميدز ليست مباراة قمة، وذلك لأن فريق بيراميدز خارج المنافسة.
تابع “أمين” خلال حلقة اليوم من برنامجه “آخر النهار”، أن قوة المباراة مستمدة من حساسيتها فقط، معلقًا: ” نادي بيراميدز اتعمل عشان النادي الأهلي، عشان ينافس الأهلي وياخد منه صفقات ولعيبة، ويعكنن على النادي الأهلي، وده الشيء اللي مستقر في وجدان جمهور الأهلي”.
نرشح لك: وفاة عضو داخل النادي الأهلي
أضاف: “من غير الحاجات دي كانت هتبقى مباراة عادية جدًا، بالإضافة طبعًا لوجود الثلاثي الأهلاوي اللي كانوا من رموز الأهلي، اللي هما عبد الله السعيد وأحمد فتحي ورمضان صبحي، وطبعًا شريف إكرامي.. فالاحتقان جاي من هنا”.
أردف: “عشان كدة المباراة ملهاش طعم، لأن الفرقتين مش عاوزين يخسروا من بعض بالذات، الـ 45 دقيقة كلهم ماسخين وملهمش طعم”.