تفاصيل أزمة ميراث شعبان عبد الرحيم

علقت الفنانة اللبنانية منار، على الجدل الذي أثارته خلال الأيام الماضية، بعد تصريحاتها حول أحقيتها في ميراث الفنان الراحل شعبان عبد الرحيم.

قالت منار خلال مداخلة هاتفية مع برنامج “الحكاية”، مساء السبت، المذاع عبر شاشة “MBC مصر”، مع الإعلامي عمرو أديب، إنها لا تسعى للميراث من خلال شعبان عبد الرحيم، لكنها اضطرت للحديث عنه بعد تناول وسائل الإعلام للموضوع.

نرشح لك:عمرو أديب عن خالد يوسف: “جزء من نسيج 30 يونيو”

أردفت: “لو ما ليا حق مكنتش هطلع واتكلم بالطريقة دي، طبعا ليا حق ومعايا مستندات، ولما أنزل مصر هعمل مؤتمر صحفي واتكلم في الحاجات دي”. مضيفة: “هو مكنش في جواز لكن ليا حق في الميراث، وفي مستندات وكل حاجة متوثقة، وخلال الأيام الجاية هنزل مصر وأوضح الكلام دا، وبالقانون ليا حق وبطالب بيه”.

من جانبه، رد عصام شعبان، نجل الفنان الراحل شعبان عبد الرحيم، على تلك الادعاءات، قائلا: “مش عارف كل ما حد يتصور مع أبويا، أو يعمل معاه غنوة يبقى خلاص هياخد من الميراث”.

تابع: “على كده هلاقي مصر كلها جايين يقولولي عايزين نورث، المعلومات اللي وصلت لي أن لها ورث ولو هي معاها ورق يثبت دا عمري ما أكسر كلام أبويا وهو ميت، وهتاخد حقها، بس أنا متأكد إن مفيش كده”.