محمد منير: "هتجوز تاني عادي"
تحدث الفنان محمد منير عن الحب فى حياته، قائلا: “أنا معرفش أعيش من غير حب، كل يوم بعيش قصة حب، لأن الحب بيعملنا حاجات كتيرة وبيعلمنا الفضيلة والنبل في حياتنا”.
أضاف “منير” خلال لقاء مع “تليفزيون اليوم السابع”: “الحب بيعلمني كمان أختار أغنية حلوة، وأنا لا يعنيني غير أني أصنع أغنية حلوة، وأنا بحب كل الأغاني التي قدمتها، وطالما الأغنية اتصدرت للناس وبقت مباحة لهم بتنقطع علاقتي بيهم”.
نرشح لك: كلمات أغنية “أنا رايق” لـ محمد منير
أردف: “أنا بنسى المرأة في وجود الموسيقى، ودي الحاجة الوحيدة اللي بتنسيني لأني أسير المزيكا ولو حد عاوز يكسبني يديني مزيكا، وأنا عن نفسي كنت محظوظ عاطفيا واسألوهم هما ليه مش محظوظين معايا”.
تابع الفنان محمد منير: “أنا بتنفس الحب ودايما عطائي بيستمر بالحب، وحصل كتير في حياتي أني حبيت ولكن مقدرش أعلن ده تقدير لها واحتراما لها لأن المرأة هي أختي وأمي وصاحبتي، واتزوجت مرة وحيدة وعدت، وهتجوز تاني عادي”.