محمود سعد يحكي كيف خسر 20 كيلو من وزنه

دنيا شمعة

قال الإعلامي محمود سعد، إنه في فترة ما بعدما توقف عن ممارسة الرياضة وصل وزنه لأكثر من 100 كيلو، مما اضطره لاتباع نظام غذائي للتخسيس.

تابع “سعد” خلال فيديو نشره عبر قناته على موقع الفيديوهات “يوتيوب” ضمن سلسلة فيديوهات ينشرها عن حياته بعنوان “ونس”، أنه كان شخصا كاره لكل الأنظمة الغذائية وأطباء التغذية، إلى أن قرر أن يفقد وزنه وتابع مع طبيبة تغذية.

نرشح لك: “عيسى”: براءة حنين حسام ومودة الأدهم ليس العنوان النهائي للحقيقة

أردف: “خسيت معاها 2 كيلو في شهرين، لكن قررت بعدها إني أخد نفسي وأخس مع نفسي، خصوصًا بعد ما خلاص عرفت أن السر في إني أقوم من على الأكل مش شبعان”.

أضاف: “مكنتش مانع نفسي من أي حاجة إلا الحلويات، بقيت أخد قطعة صغيرة من كل حاجة وأدوقها ببطء عشان استمتع بطعمها، مع الرياضة كل يوم ومتابع على الميزان”.

أردف: ” بعد سنة ونص بقيت 90 كيلو وكنت ثابت على الوزن ده ومبزدش جرام واحد.. أهم حاجة الإرادة لأن اللي عاوز يخس هيخس، لحد ما هتوصل لمرحلة أنك تعرف إن الأكل ده مضر فمتاكلوش”.

استكمل: “اعتبر المحشي ده خشب، أنا كنت بحب أن يبقى في أوضتي في رمضان صينية كنافة، كنت باكل منها حتة صغيرة في مقابل أن في السحور ماكلش غير زبادي أو شوية فول صغيرين”.

اختتم: “أنا وزنت نفسي الصبح وكنت 82 وشوية وإن شاء الله هنزل الشوية دول”.