جمال يوسف: زوجتي تعرضت لمضايقات خلال أزمة مرضي
تحدث الفنان جمال يوسف، عن فترة مرضه وإصابته بسرطان البلعوم، والذي تعافى منه مؤخرا.
قال “يوسف” خلال حلوله ضيفا على برنامج “القاهرة اليوم”، مساء الخميس، المذاع عبر قناة “اليوم” مع إدوارد وبثينة توكل، إنه تعلم من التجربة أن “ربنا كبير قوي”.
نرشح لك: عمر كمال: “متجوزتش ومبحبش الجواز”
أردف: “أنا كنت ميت، وكنت بكلم مراتي على أني خلاص ميت، وأني أقف على رجلي تاني معناه أن ربنا كبير، وربنا وراني حاجات كتيرة عشان أخلي بالي من أولادي بعد كده، عشان مبقاش عصفور”.
أشار إلى أن أولاده تأثروا بمرضه، مُعقبا: “ولادي شافوا اللي أنا مشوفتوش، ولادي وهما معايا بيتعاملوا أحسن معاملة، وهما ولاد صغيرة كانوا محتاجين حد جمبهم، والدتهم مش عارفة تبقى معايا ولا تتحمل المضايقات”، مردفا أن زوجته تعرضت لمضايقات عبر وسائل التواصل الاجتماعي، مضيفا: “كان بيتبعتلها رسايل حد يقولها تعالي أشغلك سكرتيرة، دا كنت معيشهم هوانم”.
أضاف: “الحمد لله قاعد في كومباوند ومعيشهم كويس، ومكنتش بتحكيلي كنت ألاقيها وهي بتديني الدواء قاعدة بتبوس رجلي”.