عمرو أديب: فيه ناس خدت اللقاح وجالها كورونا
دنيا شمعة
قال الإعلامي عمرو أديب، إن بعض من تلقوا الجرعة الأولى من لقاح كورونا، لم يتكون في أجسادهم أجسام مضادة لفيروس كورونا.
تابع “أديب” خلال حلقة مساء الجمعة من برنامجه “الحكاية” الذي يقدمه عبر شاشة “mbc مصر”: “ابتدينا نعرف حاجة جديدة كمان، إن مش كل الناس اللي بتاخد اللقاح بيجيلها أجسام مضادة، المفروض بعد ما تاخد اللقاح بشهر، تروح تشوف اتكونت عندك أجسام مضادة أو لأ، فابتدوا يكتشفوا إن فيه نسبة قليلة متكونش عندها الأجسام المضادة فبالتالي هيجيلهم كورونا بسهولة”.
نرشح لك: عمرو أديب يحذر متلقي لقاح كورونا: هتبقى زي الخفاش وممكن تعدي
أضاف: “حط الكلام ده كله على جنب.. مالي لا أجد اهتمام عند المواطن المصري بموضوع اللقاح؟، كله بيتكلم إنه على مستوى إنه حتى لما جاتلنا الكورونا إحنا أقل من أي حتة تانية، لازم نعرف إن مش أهم حاجة في اللقاح إنه يحمي من الكورونا.. وده اللي اتفقت عليه كل الجهات في كل البلاد”.
أردف: “الميزة العبقرية اللي اكتشفوها في أي لقاح إنه كورونا لما تجيلك متجيش تقيلة، ومتروحش الإنعاش أو تؤدي للوفاة.. لأن على فكرة فيه ناس خدت اللقاح وجالها كورونا عادي”.