محمود سعد يحصل على درع اليوتيوب
شارك الإعلامي محمود سعد، مع متابعيه حصوله على درع اليوتيوب بمناسبة تخطي عدد متابعي قناته على يوتيوب الـ 100 ألف متابع.
وجه “سعد” الشكر لمتابعيه، خلال مقطع فيديو عبر قناته الرسمية على اليوتيوب، وقال: “انتوا اللي عملتوا ده، من زمان قوي بيتقال لي أعمل حاجة في اليوتيوب وأنا مش بهتم لأني حاسس إني بعمل التواصل اللي أنا حابه في البرنامح، بعدين جت هبه قالتلي قول حاجة كإعلان للبرنامج هتقدم إيه بكرة حاجة زي كده”.
نرشح لك: محمود سعد يحكي كيف خسر 20 كيلو من وزنه
استكمل: “قلت آية من سورة الحديد ونزلتها وحاجة تانية عن أول مرة صورت تليفزيون، برنامج فاشل، مش فاشل بس اختفى معرفناش عنه حاجة، وكان أحد ضيوفي علاء ولي الدين، نزلته وبعدين عملت قناة على اليوتيوب مشيت وبعدين وقفت وعملت واحدة تانية وبدأت اصور على استحياء وأنا خجول جدا ولحد اللحظة دي”.
يذكر أن محمود سعد يخوض تجربة جديدة منذ عدة أشهر وهي الظهور من خلال مقاطع فيديو عبر قناته الرسمية على اليوتيوب، ويتحدث عن مواقف من حياته الشخصية والمهنية.