زوجة أحمد الفيشاوي: "عايشة أحلى أيام حياتي معاه"
دنيا شمعة
قالت ندى كامل، زوجة الفنان أحمد الفيشاوي، إنها سعيدة بزواجها منه، مشيرة إلى أنه علمها الكثير من الأشياء.
تابعت خلال مداخلة هاتفية مع برنامج “أسرار النجوم” مع الإعلامية إنچي علي، مساء الخميس عبر إذاعة “نجوم إف إم”: “أنا ست مش قليلة، لكن بحب أحمد ومعاه اتعلمت إني ولا أكدب ولا أنافق، وأنا برتاح للناس اللي زيه.. أحمد علمني حاجات كتير جدًا لأنه بحر”.
نرشح لك: حمادة هلال يحكي موقفا طريفا جمعه بـ عصام كاريكا
أضافت: “أنا من قبل ما أقابل أحمد وأنا معجبة كبيرة من معجبينه، إني بس كنت أشوفه وأتصور معاه دي كانت حاجة هفتكرها طول عمري.. ومجرد ما شفته بقينا مع بعض وفجأة بقى جوزي”.
أردفت: “أنا مخفتش قبل ما أتجوزه بس خفت بعد ما اتجوزته، وهو راجل محترم وبيضحكني أوي.. بس شخصيته سي السيد في البيت، بس أنا دايمًا بقول إن محدش يقدر يختلف على موهبته”.
تابعت: “أنا عايشة أحلى أيام حياتي معاه ومبسوطة مع أحمد وضامنة حاجات كتير معاه”.