سناء منصور: كان ممنوع نلبس بنطلون في مبنى ماسبيرو
دنيا شمعة
قالت الإعلامية سناء منصور، إنه كان من الممنوع لفترة طويلة لبس البناطيل داخل مبنى ماسبيرو.
تابعت “منصور” خلال لقائها مع برنامج “معكم منى الشاذلي” مع الإعلامية منى الشاذلي، اليوم الجمعة عبر شاشة “cbc”: “كان ممنوع نلبس بنطلون في مبنى ماسبيرو، وقالو في فترة كده ممنوع البنات اللي بيشتغلوا في المبنى كله يلبسوا بنطلون، ومنعرفش ليه.. مع إن كنا بنلبس ميني چيب ومايكرو چيب “.
نرشح لك: سناء منصور: أول مرتب أخدته في الإذاعة كان 17 جنيه ونص
أضافت: “لحد ما الأستاذة بديعة الرفاعي نزلت الإذاعة وكان يوم أجازة فقالت محدش هياخد باله وراحت، واليوم ده من حظها توفى فيه جمال عبد الناصر.. ومصر كلها بقت مرة واحدة عندها في الاستديو وشافوها بالبنطلون ومحدش خد باله ولا علق”.
أردفت: “تاني يوم كان كل البنات اللي في الإذاعة جايين ببنطلون وهيصنا كلنا”.
كما أوضحت أن قواعد ماسبيرو والإذاعة المصرية كانت صارمة جدًا وقتها، وهو عكس ما يحدث حاليًا من بعض المذيعات من عدم الالتزام بمعظم القواعد.