وزير التعليم العالي: لا إجبار على الامتحان

قال خالد عبد الغفار، وزير التعليم العالي والبحث العلمي، إن الطالب إذا كان لديه شك أنه لديه حرارة أو مصاب بالفيروس أو كان مخالطا لأحد يتقدم بطلب بأنه لديه عذر، مضيفا أن الإدارات واللوائح تنظر في هذا الموضوع.

تابع “عبد الغفار” خلال مداخلة هاتفية مع برنامج “الحكاية” المذاع على شاشة mbc مصر ويقدمه الإعلامي عمرو أديب، أن المجلس الأعلى للجامعات ينظر في هذه الحالات في هذه الظروف أنه عذر ويمكن تداركها في الصيف أو العام المقبل، مؤكدا أنه لا إجبار على النزول أو الامتحان أو التعليم.

نرشح لك: طارق شوقي عن لقاح كورونا: القطاع التعليمي أحد أولويات الدولة

استكمل: “إحنا عايزين اللي عايز يتعلم وعايز يحافظ على مستقبله ينزل، إحنا سهل علينا جدا نلغي العام الدراسي خالص، وفيه دول كتير عملت الحكاية دي، اسكتلندا طلعت قرار إن الكليات العملي اللي صعب فيها التعليم عن بعد إلغاء الدراسة خالص ونأجلها سنة كاملة”.

أوضح: “أنت ازاي عايزني كمسؤول أقولك أعمل بحث يا حبيبي وهاته ويتساوى المجتهد بالغير مجتهد، الموضوع موضوع أمانة، هل إحنا في الظروف الحالية في ظل اللي بنشهده من انفتاح والدولة المصرية الحمد لله قادرين إننا نتعامل من خلال متابعتنا ومن خلال تقارير وزارة الصحة من خلال الحالة العامة اللي إحنا شايفنها، هل النزول في الدراسة فيه صعوبة؟ لا مفيهوش صعوبة”.

واصل: “ولو فيه صعوبة إحنا بنقدر نقيم الموقف تباعا من خلال لجنة الأزمة وبناخد قرار في حينه إنه يحمي كل الناس لو إحنا محتاجين نعمل كده، لكن لو إحنا مش محتاجين نعمل كده أرجوكم لو أنتم مش عايزين تتعلموا، خلي اللي مش عايز يتعلم يقعد في البيت مفيش مشكلة، لكن أدوا فرصة للناس التانية اللي عايزة تكتمل دراستها وتنتقل للسنة التانية وتتخرج تعمل كده”.