تامر حبيب يكشف مصير مسلسل عمرو دياب
دنيا شمعة
قال السيناريست تامر حبيب، إن التحضير لمسلسل “الشهرة” المقرر أن يكون من بطولة عمرو دياب، لم يبدأ بشكل رسمي بعد.
تابع “حبيب” خلال لقائه مع برنامج “MBC Trending”: “لسه مبدأناش في الكتابة، أصل عمرو دياب هذا الرجل مؤسسة، اللي أنا حاسه دلوقت عمرو دياب بيحضر التوليفة اللي هي الشكل الأفضل لتقديم هذا المسلسل”.
نرشح لك: تامر حبيب: هؤلاء النجوم يشاركون في فيلم “شلة ليبون”
أضاف: “فأنا قاعد مستني وعندي فضول، ولسه كنا بنتكلم من يومين أنا وهو، وهو عنده أفكار لطيفة جدًا للموضوع، وكنا اشتغلنا عليه شوية من فترة لما كنا هنعمله فيلم الأول، بس إيه هيحصل إمتى لسه معرفش”.
أردف: “الحدوتة فيها حاجات من مشوار عمرو دياب بس منقدرش نقول خالص أنها قصة عمرو دياب، بس هي قصة حياة مطرب، وكمان عمرو قصة حياته غنية بالأحداث”.
كما أكد أنه لم يتم التعاقد مع أي فنان حتى الآن للمشاركة بالمسلسل.