محمد هنيدي: كنت أقرب حفيد لجدي ومسموح لي أعمل أي حاجة
قال الفنان محمد هنيدي إنه يحب السهر دائما، مضيفا أنه يحب إمبابة لأنها بلده، وهي أول مكان سهر به.
تابع “هنيدي” خلال لقائه مع برنامج “سهرانين” المذاع على شاشة ON ويقدمه الفنان أمير كرارة، أنه من منطقة إمبابة وحتى الآن أهله ما زالوا هناك، مضيفا: “إمبابة شربنا منها كل الحاجات، السهر وغير السهر، الحاجات اللي فادتنا في حياتنا وفي الشغل، فكل الحب والتقدير لإمبابة”.
نرشح لك: إدوارد: مجدي هلال يشبه شخصيتي الحقيقية
ذكر أنه كان يسهر مع أصدقائه، لافتا إلى أنه كان أقرب حفيد لجده وكان له معاملة خاصة في كل شيء حتى توفي جده، أضاف مازحا: “لما اتوفى قالوا لي جدك سايبلك حاجة، فأنا فرحت جدا قلت أرض أي حاجة، طلع سايبلي الصديري بتاعه والعصاية ذكرى منه، طبعا انفعلت وقتها وأنا نازل رحت راميهم في الأرض، إيه الورث ده، الله يرحمه كان أنا بالنسبة له حالة خاصة جدا”.
استكمل: “يمكن علشان أنا جيت بعد أربع بنات فده بالنسبة له كان مهم جدا، وكنت لذيذ بقى معاه اللي عاوزه باعملهوله، ممكن التانيين يضايقوه، كنت بحبه جدا جدا وفي نفس الوقت بمشي أموري، أنا كنت معتز جدا بالعلاقة دي، بعد أخويا الكبير جه 4 بنات فجدي كان صعيدي وعايز ولد، فلما جه الولد فطبعا كان مسموح لي أعمل أي حاجة كنت مدلل”.
View this post on Instagram