"مكنتش لاقي أكل".. أبو الليف يكشف تفاصيل بدايته الفنية
دنيا شمعة
ذكر الفنان نادر أنور، الشهير بـ”أبو الليف” تفاصيل بداية دخوله عالم الفن، وظروف حياته الصعبة قبلها.
قال “أبو الليف” خلال لقائه مع برنامج “ونقول كمان” مع ياسمين الخطيب، عبر شاشة “النهار”: “مكنش فارق معايا نادر أو أبو الليف المهم صوتي يوصل، ما أنا مكنتش لاقي أكل فلما لقيت نفسي في أبو الليف قلت ليه لأ”.
نرشح لك: 10 ملاحظات على أغنيتي “شكرا” و”بقالي كتير”
أضاف: “من سنة 84 وأنا غنيت في كذا مسلسل بس باسم نادر أنور، لحد 2009 لما فرقع (أبوالليف كينج كونج)، وده بسبب الكيميا كلها والتركيبة سواء اللحن أو الكلمات أو التوزيع أو الصوت”.
أردف: “من سنة 95 لما الدنيا وقفت اشتغلت فاعل، وفي سوبر ماركت أو مناول بنا، وكنت بغني بردو يعني بهاء حسني يتصل بيا أسافر له من إسكندرية للقاهرة أغني كام إعلان وأرجع تاني، وكنت بقوله إني في مدينة نصر عشان الشغلانة متروحش”.
وعن انفصاله فنيًا عن أيمن بهجت قمر، علق: “وقفنا مع بعض فنيًا، إنما إنه ابن أختي وكده فالدم عمره ما يبقى مايه، إحنا حصل بينا شوية خلافات فقولنا نفصل أحسن عشان منقطعش مع بعض”.
يذكر أن آخر أعمال أبو الليف أغنية “أهلاً بيك”، من كلمات السيد علي، وألحان وتوزيع رامي المصري.