عمرو أديب يشكر الرئيس السيسي وهؤلاء المسؤولين للاطمئنان عليه

وجه الإعلامي عمرو أديب الشكر إلى الرئيس عبد الفتاح السيسي، وولي العهد السعودي محمد بن سلمان، والشيخ محمد بن زايد، لاتصالهم به للاطمئنان عليه بعد تعرضه لحادث الأسبوع الماضي.

قال “أديب” خلال تقديمه برنامج “الحكاية”، مساء الجمعة، المذاع عبر شاشة “MBC مصر”: “بشكر الرئيس السيسي على السؤال والرعاية، أصل دي مش أول مرة أنا مصايبي كتير، ساعات كتير بيجرالي حاجات فبيهتم بيا ويسأل عليا”.

نرشح لك: في أول ظهور بعد الحادث.. عمرو أديب: قانون التسجيل العقاري معقد

تابع: “بشكر ولي العهد محمد بن سلمان على السؤال والرعاية، بشكره لأنه وقتها بيسألوا على حد عمل حادثة ما كل الناس بتعمل حوادث يعني”.

أردف: “بشكر الشيخ محمد بن زايد على السؤال والرعاية، ومجلس الوزراء المصري كله يعني مفيش وزير مكلمنيش واطمن عليا”.

علق: “أصل الناس دي بتتصل وأنا مش هعملهم حاجة، لا أنا بعين ولا أنا مهم، أنا راجل بطلع كل يوم وسط الناس اتكلم، لكن عايز أشكر سيادة اللواء عباس كامل رئيس جهاز المخابرات على الاطمئنان”.

أوضح أن كل هؤلاء كان يسألون أكثر من مرة للاطمئنان على صحته، مضيفا: “عايز أشكر كل فنانين مصر والعالم العربي، أنا بقالي 25 سنة بشتغل كل يوم، حاجة مزعجة طبعا، فعرفت البشر وليا علاقات بيهم كلهم الحمد لله، محدش مضطر يسأل عليا بس أنا حقيقي سعيد باللي اتعمل معايا”.

أضاف: “عايز أشكر مستشفى دار الفؤاد، من لحظة الحادثة اللي اتعمل معايا كان احترافيا، كل الإجراءات الصح، ومش هقول لحضراتكم كنت عامل ازاي أنا وصاحب العربية اللي عملت معاه الحادثة، خدونا كلنا ورعاية شاملة في لحظات، وهما بيعملوا دا مع الناس كلها لأن وقت ما عملت الحادثة مكنوش عارفين دا مين”.

يشار إلى أن عمرو أديب، كان قد تعرض لحادث يوم الثلاثاء الماضي، واختفى عن الظهور الإعلامي لما يقرب من أسبوع نتيجة الحادث.