بعد تعافيها.. لينا شاكر تكشف تفاصيل إصابتها بالسرطان

كشفت الإعلامية لينا شاكر تفاصيل حالتها الصحية، بعد انتشار نبأ إصابتها بالسرطان، وقالت إنها بحالة صحية جيدة وانتهت من العلاج، مضيفة أنه يتبقى أن تحصل على بعض الراحة.

تابعت “شاكر” خلال مداخلة هاتفية مع برنامج “مساء dmc” المذاع على شاشة dmc وتقدمه الإعلامية إيمان الحصري، أنها سبقت الأحداث وتخيلت أنها مصابة بالسرطان قبل أن تجري التحاليل الطبية وتعرف النتيجة، مضيفة: “اتخضيت في الأول وبعدين قلبتها هزار”.

نرشح لك: بعد رحلة 8 أشهر مع المرض.. لينا شاكر تعلن إصابتها بالسرطان

وعن جلسة التصوير التي انتشرت على مواقع التواصل الاجتماعي لها وظهرت فيها بدون شعر، قالت: “كان ليها محركات، وأنا استبعدت إني مذيعة وعملتها كإنسانة عادية جدا، في نص الرحلة في حاجات كتير حصلت ادتني الفكرة ومنهم شريف مدكور، أنا عمالة اسأل معقولة بعد اللي مريت بيه مع ماما ومع أصحابي، معقولة يجيلي برضو، فقلت أكيد ربنا ليه حكمة”.

أردفت: “من ضمن الفكرة، قلت أنتي مريتي بده وعارفة قد إيه هو بيبقى صعب، وأنا لما كان حد بيكلمني يقولي إن حد جاله وخف بقاله ١٠ سنين كانت بتطمني، على أمي وأصحابي، أنا شعري بدأ يطلع، ولكن قصدت أتصور علشان بتبقى قاسية جدا على واحدة ست وحتى الراجل، فقلت إن الحاجة القاسية دي ممكن تجمليها وتنزليها للناس علشان أقول للناس إحنا ممكن نبقى حلوين ومبهجين، قصدت ادي طاقة إيجابية للناس لكن اللي حصل العكس أنا اللي اخدت طاقة إيجابية”.