محمود سعد: "قالولي آخرك في الإعلام 5 أو 6 سنين"
ذكر الإعلامي محمود سعد، ذكريات عن عمله كصحفي في بداية حياته، ودخوله عالم التقديم التليفزيوني.
قال “سعد” خلال فيديو نشره عبر قناته على موقع الفيديوهات “يوتيوب” ضمن سلسلة فيديوهات ينشرها عن حياته بعنوان “ونس”: “صحيح أنا كتبت كتير بس الواحد معرفش يعمل أقوال مأثورة، صحيح الواحد عنده الأفكار بس معنديش ملكة إني أكتب ثمرة نجاحي”.
نرشح لك: “شوفته وهو شقيان”.. محمود سعد يحكي ذكرياته مع علاء ولي الدين
تابع: “أنا لما اشتغلت قالولي الأخوة المتخصصين في بحور الإعلام لازم تبذل جهدك عشان أخرك في الإعلام 5 أو 6 سنين، ودلوقت مر على الكلام ده 20 سنة.. صحيح النجاح مش زي زمان بس مين قال إن النجاح زي بعضه؟”.
أضاف: “كنت بقعد في الأرشيف يومين تلاتة قدامي ملف كبير عشان أطلع 3 ورقات عن نور الشريف، شوف أنت بقى دلوقت لما تعوز تعرف معلومات عن نور الشريف ومعاك الموبايل”.
أردف: “فيه عالم من المعلومات كبير أنتوا متعرفوش عنه حاجة مش عشان أنتوا معندكوش علم، لكن عشان ده مش شغلكم، بس ده شغل الصحفي.. لأن الصحفي لما بيقعد في حتة ممكن يتسأل في حاجات كتيرة مشتتة، حتى لو كان عندي قدر تافه من الثقافة فده نتيجة إني بشتغل صحفي مش بشتغل مهندس مثلًا”.
أوضح أن أهم شيء في النجاح في العمل كصحفي هو توسيع الرؤية ومحاولة الإطلاع على وجهات نظر الآخرين.