نجل مها أحمد متغزلا بوالدته: "التفاح احلو كده ليه"
فاجأ عادل مجدي كامل، والدته الفنانة مها أحمد على الهواء بمكالمة هاتفية، بدأها بقوله: “عايز أعرف التفاح احلو كده ليه، دا التفاح الأحمر والتفاح الأخضر، حلو قوي”.
وجه خلال مداخلة هاتفية في أولى حلقات برنامج “التفاحة المصرية”، مساء السبت، المذاع عبر شاشة “الشمس”، التهنئة لوالدته قائلا: “ألف مبروك يا روح قلبي، يا جدع وأحن وأطيب أم في الدنيا، بحبك قوي أنا ابنك أيوة”.
نرشح لك:عمرو أديب: مفيش وقت بيكفيني في البرامج
تمنى نجل مها أحمد لها النجاح في تجربتها الجديدة لتقديم البرامج عبر شاشة “الشمس”، مضيفا: “كنت بحب التفاح ومش عارف ليه احلو في عيني بعد ما عملتي البرنامج دا”، لتر عليها مها أحمد: “قلب أمه”.
مازحته مها، قائلة: “بما أنك رجل رياضي وملتزم، ومش بتوزع برفانات ماما على التفاحات! لما أرضى عنك وعن اللي هتتجوزها إيه مواصفات التفاحة اللي راسمها في دماغك”، ليرد: “عايز خدودها زيك كده وفي طولك، وعايزها في طيبتك وحنيتك وجدعنتك”.
أشارت إلى أنها تحصل منه على كلام حلو بديلا للهدايا، ليرد عادل: “أنا اللي كنت بتخنها الفترة اللي فاتت بسبب الشكولاتة اللي كنت بجبهالها، عايز ادلعها دايما”.
يشار إلى أن برنامج “التفاحة المصرية”، يعرض في تمام السابعة مساء، عبر شاشة “الشمس”.