عمرو أديب: "الأهلي والزمالك معندهمش هدافين"
علق الإعلامي عمرو أديب، على خسارة نادي الزمالك من الترجي، وتعادل الأهلي مع فيتا كلوب في بطولة أمم إفريقيا.
قال “أديب” خلال تقديمة برنامج “الحكاية”، مساء السبت، المذاع عبر شاشة “MBC مصر”، إن بعض الأسماء في لاعبي الأهلي والزمالك يُطلق عليهم هدافين، مردفا: “لكن مش بيجيبوا جوان”.
نرشح لك:وزير الرياضة: ساعدنا الزمالك بـ 100 مليون جنيه
تابع: “والنهارده كان يوم سيء للأهلي والزمالك، والزمالك محتاج فعلا لمعجزة عشان يعدي للأدوار اللي جاية”.
أردف: “الزمالك فيه عيب خطير، بيجيله حالة من حالات اليأس، ومفيش مثابرة لآخر لحظة، بالنسبة للأهلي أنا بواليا لاعيب الأهلي نرفزني وأنا وملكاوي من كمية الأجوان اللي ضيعها، اللي كانت ممكن تخلي الأهلي كسبان 5 مثلا”.
أضاف: “مش قادر أفهم بيلعبوا بواليا ليه لحد دلوقت، ومش فاهم الصبر على حسين الشحات لحد النهارده، أنا لو من النادي الأهلي أقول لبواليا دا أقعد ماتشين تلاتة”.
في نفس السياق، قال إنه بدأ ملاحظة أن الأهلي والزمالك ليس لديهما هدافا، مضيفا: “معندهمش حد بيجيب أجوان، والأهلي النهارده كان بيلعب مستهين بالماتش وكأنهم هيخلصوه هيخلصوه”.