عمرو أديب عن أهمية تطعيم كورونا: علشان لو جالك ماتتبهدلش
قال الإعلامي عمرو أديب إنه لا يوجد اهتمام كبير بالتطعيم ضد فيروس كورونا في مصر، مضيفا أن عدد قليل من الناس هم من سجلوا على الموقع للحصول عليه.
تابع “أديب” خلال برنامج “الحكاية” المذاع على شاشة mbc مصر: “الدولة جايبة لقاحات وصارفة دم قلبها بس لغاية دلوقتى مفيش حالة استنفار مجتمعي، قليل قوي لما بلقى حد، اللهم إلا بعض الناس اللي في سني أو كده اللي هما قلقانين على نفسهم فيبدأوا يسألوا طيب إيه النظام، امتى”.
نرشح لك: الصحة: تطعيم 2200 مواطن خلال 3 أيام ضد كورونا
استكمل: “إنما غير كده، الناس في مصر بيس، وطبعا واضح جدا إن مش كل اللي بيسجل عايز يتطعم، فيه ناس كتير سجلت وجالها مواعيد وجالها كود ومارحتش، هو عايز يجرب علشان يقعد يقول والله أنا سجلت ومحدش قالي فتقول له طيب تعالى، ميجيش، ده مجانا، ميجيش”.
أشار إلى أن من تلقوا التطعيم في الأيام الماضية تتراوح أعدادهم من 2200 إلى 2500 شخص، مضيفا: “يعني ميجيش القصر العيني الفرنساوي”.
أكد أن ذلك عدد زهيد، موضحا: “التطعيم مهم مش علشان تحمي نفسك من الكورونا بس، يعني مش علشان ميجلكش، علشان لو جاتلك ماتتبهدلش، يعني ده نمرة واحد، والدولة جايبة أفضل أنواع اللقاحات”.