دعاء فاروق لـ بسنت شوقي: إيه العلاقة بين المتحرش والدين؟
تفاعل عدد من الفنانين والشخصيات العامة مع واقعة “متحرش المعادي”، ومن بينهم الفنانة بسنت شوقي.
حيث نشرت “شوقي” عبر حسابها الشخصي على موقع التواصل الاجتماعي فيسبوك، وكتبت: “مفيش رسالة ولا واحدة جاتلي قبل كدة من متحرش، إلا إذا بروفايله سواء فيسبوك أو إنستجرام كان فيه شكل من أشكال التدين دي، على نفس النطاق، مفيش واحدة ست متنمرة دخلت كتبت كومنت، ليه علاقة بشكلى (مش لبسي) أو دخلت دعت عليا مثلا، إلا وبرضو البروفايل بتاعها في البيو (غالبا بيبقى إنستجرام) كله أدعيه شبيهه، ربنا ارحمنا تحت الأرض وفوق الأرض، يا رب أجبر بخاطري، وهكذا، أيه؟! و ليه؟!”.
نرشح لك: متحرش المعادي.. كيف بدأت القصة وأين هو الآن؟
علقت الإعلامية دعاء فاروق، على منشور بسنت شوقي، من خلال مقطع فيديو عبر حسابها الشخصي على موقع تبادل الصور والفيديوهات إنستجرام، وقالت: “لقيت ممثلة لطيفة كده اسمها بسنت شوقي كاتبة بوست، وعاملة ربط للمتحرش ده وأنه حاطط آيات قرآنية أو صورته في الكعبة أو بيعمل عمرة على البروفايل بتاعه، وكاتبة ليه بالضرورة والعلاقة بين أي حد متحرش وبين إنه بيخط صور قرآنية أو صوره في الكعبة، وحتى كل الستات اللي بيشتموها وبيتطاولها عليها لازم يكونوا حاطين أدعية على صفحاتهم ولازم الدين يكون ظاهر أوي”.
=
تابعت: “فهي عاملة ربط بين الدين وبين الناس الوحشين، الحقيقة أنا محبتش الربط ده ومن قال إنه بالضرورة لازم الوحش يكون متدين، وفيه في أمريكا ناس متحرشين ووحشين ومبيحطوش آيات قرآنية ولا حاجة وبتلاقيه سياسي مخضرم وراجل محترم وعنده أسرة وفي منصب مثلا فظيع وتطلع عليه قضية مرعبة، وبنكتشف إن الناس دي بتدعي الاحترام وعاملاه المنظر ده ستار لأعمالهم الدنيئة، وبيخدعوا الناس علشان محدش يكشفهم، والراجل اللي بيحط آيات قرآنية على صفحته هو عارف إنه معندوش أخلاق وبيعمل أعمال قذرة، فبيتمسح في الدين، علشان لما حد يشوفه بعد كدة، أو حد يقول له ليه كلمة ولا حاجة، يقولك حرام عليك ده راجل بتاع ربنا، وحاجج بيت الله، كل دي همبكة لزوم إنه يداري على أفعاله الشنيعة، كل ده ستار لأعماله السيئة والوحشة، ومبقولش إن حد متدين مبيغلطش”.
استكملت: “لا طبعا كل ابن آدم خطاء وخير الخطائون التوابون، بس فيه فرق بين واحد بيغلط في حق نفسه فربنا بيغفر له وعادي يتوب، بيغلط وكلنا بنغلط، وفرق بين أنه يغلط غلطة زي إنه يظلم حد أو ياكل حق حد أو يتحرش لحد بالذات بقى لو طفلة دي مصيبة سودا، ربنا بيغفر كل شيء، إلا حقوق الناس وده حق لا يغتفر لما، حد يتحرش بطفلة أو ست، أو يظلم حد، ده لن يغتفر إلا لو فلان سامح علان، وبالتالي مينفعش أربط بين إنه اشمعنى المتدينين هما اللي متحرشين، المتحرشين موجودين في كل حتة، وببعملوا ستار لأعمالهم الدنيئة بمختلف الأشكال، مرة يبقى خلوق ومتدين وهو في الخفاء حاجة سيئة، وربنا يستر على الجميع، بس اللي بيصر على الفعل ويستوطى قوي في الفعل وبيعمل أشياء قذرة، يقينا ربنا بيفضحه، ربنا يسترنا جميعا ويستر بناتنا وأولادنا ويغفرلنا ذنوبنا جميعا يارب”.
View this post on Instagram
يذكر أنه تم تداول مقطع فيديو مصور يوثق واقعة تحرش بطفلة لا تتعدى 10 أعوام على يد رجل، حيث اصطحبها من الشارع داخل أحد العقارات، ظنًا منه أنه خاليًا من السكان، حتى تمكنت شابة تعمل في معمل تحاليل بالعقار عن طريق كاميرات المراقبة من إنقاذها.