فاطمة مصطفى للمدافعين عن "متحرش المعادي": لو بنتك هتقول كده؟
قالت الإعلامية فاطمة مصطفى إن ردود الأفعال على واقعة “متحرش المعادي” جاءت بعضها صادمة، مضيفة أن البعض يقولون إنه مريض، مؤكدة هو ليس مريض بل مجرم.
تابعت “مصطفى” عبر مقطع فيديو على حسابها الشخصي على موقع تبادل الصور والفيديوهات إنستجرام: “مريض دي قصة تانية، ماتدخلوناش بقى في الصعبنيات دي، لو تبعك الموضوع مش هتقول كده”.
نرشح لك: دعاء فاروق لـ بسنت شوقي: إيه العلاقة بين المتحرش والدين؟
استكملت: “ركزوا مين قال حرام وأصله مريض وغلبان وافهموا إن دي ناس عقليتها زيه، فالشخص ده لو في حياتك مش بعيد إن هو يقرب لحد يخصك أو يكون بيعمل كده وأنت مش عارف، لأن التسامح اللي بقى فجأة موجود، وده طلع عمرة إيه، يعني إيه طلع عمرة؟ ده كارنيه انت طلعت عمرة تعمل اللي أنت عايزه؟ اسأله الأزهر أو دار الإفتاء، إيه علاقة دي بدي؟ ده مجرم بوظ حياة طفلة”.
أشارت إلى أن الأثر النفسي على الطفل عندما يتعرض لمحاولة تحرش يكون سيء ويستمر معه عندما يكبر، مضيفة: “حاجة مقرفة وحاجة مستفزة، وبتدافعوا على إيه؟ الواحد مش لاقيلكم مبرر بجميع المقاييس”
واصلت: “اللي حاصل النهاردة مقرف إن الواحد يلاقي ناس يعرفهم محترمين وتحس أنها ناس عاقلة ومتدينين وعارفين ربنا ويقوله: “إيه اللي حصل إيه يعني ماتفضحهوش حرام ده حاطط أدعية على الفيسبوك”، لو أنت واحد اتعرض لبنتك ولقيته حاطط أدعية هتقول خلاص بقى ده حاطط أدعية؟”.
أكدت أنه لا بد أن يكون هناك مساحة للحديث بين الأبناء وأولياء الأمور حتى يتمكن الأبناء من مشاركة ما يحدث معهم، مضيفة: “الموضوع مقبض ويوجع القلب، قربوا من عيالكم واتكلموا معاهم وفهموهم لما يحصل حاجة زي دي ييجوا يقولولكم”.
View this post on Instagram